皮革尚未成功，同志仍須努力！

有鑑於紙樣唔齊，追求完美者（我 XD）就修修佢啦

嗯，愈修就愈四正，簡直就係 masterpiece！

只可惜修得短得濟 -________- 原來放唔落部電話哈哈哈哈哈哈

（原本想造個電話袋 XDDDDDDDDD）

結果我把心一橫將袋仔改造成散紙包同八達通卡套

點知屋企嘅設備太弱雞，cut 歪咗（！！！！）

嗚嗚，見到上面嗰個 cut 到幾醜未呀？

不過上堂嗰陣我再修返好佢哋條邊 ^__,^ luckyyy

（一撻撻嗰啲跡其實係雙面膠紙嚟，

本身想定住個位，點知整唔甩哈哈哈）

終於都可以聯埋佢喇！

見唔見到係用兩支針？？幾咁霸氣 ^__,^

我仲揼咗個「MUM」呀嘻嘻嘻

油嗰個三色邊邊永遠都東歪西倒

於是我索性畫條發姣花邊 :D

另外呢個連線都未剪哈哈哈

埋尾好有趣㗎，只需要剪線，跟住用火辣一辣線頭

咁個線頭就會縮入去㗎喇 >______<

有創意嘅朋友個相架都七七八八喇

佢話個相架唔夠硬，攝咗張卡紙入去 XD

嚟近佢想整皮領！！！！

好型棍哦

正如之前話齋，最難係揀皮

所以我另一個朋友好彩搵到埋正皮

只需要簡單設計，就已經好靚喇

嗚嗚，好酸呀~~~

今個星期五決定唔去整住喇！想休息下
下星期就約咗人食飯，哈哈哈，停工半個月先 XD

西貢行大運

是咁的，我呀爺嘅寶貝酒樓永和記月尾執笠*

加上不孝 me 已經好耐無入西貢

於是周日就去行咗個大運（！！！！！）

我妹怕我賴床放飛機，搞到我仲毒誓

話起唔到身就送哂新買啲衫畀佢（！）

永和記嘅特色就係一堆吹水嘅呀伯sssssss

因此點心好唔好食只係點綴 XD

臨別秋波，點心好咗少少咁大把

由於真係 OK 不濟，無乜點影相

後來爸爸叫嗰籠潮洲粉果真係無得輸

每一舊都係黐住的（！）笑到癲咗

茶友呀伯先生（呀爺個 best frd XD）：兩公婆咁煙韌就好囉

而我食過嘅「代表作」係迷你蝦餃

食家呀爺評論：呢啲係手指尾蝦餃嚟！得隻手指尾咁細！

另外仲有變味雞扎，口味新奇可口，值得一讚

同埋棉胎腸粉，一團嘢咁堅保暖，好過打邊爐

見到啦，除咗同啲呀伯傾偈，一路彈一路食係另一賣點

就好似睇 TVB 膠劇咁，啲人都係為咗鬧啲劇情垃圾先集集追

不過喺開飯網竟然都有十個 :) （！）斷估呢間頹嘢無錢落廣告格....

爸爸話晏晝啲燒味飯都唔錯嘅

夜晚通常係飲宴先會去，正正常常味囉

當然啦，主菜仍然係嗰堆呀伯

茶友呀伯先生平時講嘅笑話，同《真係笑話》簡直不可同日而喻

有次佢話去行山（？）畀蜜蜂針到紅紅腫腫

話鋒一轉：夜晚返到屋企同老婆打毒針先，嘻嘻

嘩頂我內心笑到不行，但又要扮聽唔明呢啲黃調笑話（！）

忍到我死死下

見永和記就摺，影咗張即影即有

妹妹將我嗰張畀咗呀爺

送咗佢自己張玉照畀我 $%^&**&^%

---------------------------------------------------------------------------------------------

之後就勁抽喇......... 我同妹妹又去飲茶（同日！）

因為我呀嫲就好痛恨永和啲嘢難食，我呀爺就要同永和啲茶友吹水

結果佢哋係分開飲茶的（！！！！！！）

聰明嘅妹妹晨早留定肚走下場

我就完全唔記得囉，仲喺度食食食，中伏喇

呀嫲以前就鍾意去東園，更明言：我死都唔會去第間架喇！

嗯，後來東園就執咗哈哈哈哈

早排就去海傍附近間唔記得咩記（哈哈！）總之又執咗啦

而家就去洪記多，有時去全記

（兩者夜晚皆賣海鮮，我當然無食過啦，咁貴）

夜晚好多人嚟西貢食海鮮，酒樓外邊都有檯凳

畀人一邊食海鮮、一邊睇景

連朝早飲茶都可以坐出去（！）哈哈哈

不過呀嫲話熱，都係上咗樓上雅座 XD

點心水平當然都係麻麻啦

重點係我想講下我到底有幾飽！！！！！！！

話說我已經食第二餐架啦，呀嫲仲會慌死你唔飽（！）

你話飽就好掃興架嘛

所以我哋飽到頂上隻眼都會話：頭先唔係唔係食咗好多嘢之嘛 ^^

而我呀嫲就好頂癮嘅，專唔食點心架喎

叫埋哂啲無敵飽肚嘅嘢 T___T

例如：粥呀、雲吞（？！）、煎釀三寶（！！！！）、油菜之類

菜都飽？無錯，嗰碟菜真係一大碟 orz...

呢排凍凍哋，呀嫲搞搞新意思叫咗個蠟味飯！

人類果然係無極限嘅！爆 seed 喇！

好彩今次有妹妹加持

上次我自己同呀嫲飲茶，一個人要食三粒燒賣！

呀嫲必殺技：叫叫叫叫叫叫叫勁多嘢，只吃一口

佢係太后嚟，嗚呀呀呀

---------------------------------------------------------------------------------------------

後記

請咗呀嫲飲茶之後，佢好開心，塞咗一堆生果畀我
（呀爺呀嫲賣生果的）
而星期日我又要帶啲衫褲返 hall 著
於是我先攞一抽水果返屋企攞衫
然後一抽水果加一抽衫褲去 • 鴨 • 脷 • 洲 • 補 • 習！
補完習再左一袋右一袋返 hall T____T

---------------------------------------------------------------------------------------------

註

* 其實係想易手，不過我爸話齋：係驚食唔返呢啲「水準」！

出血 = 精神減壓

如果病人出血，係會造成血壓下降的

因此荷包出血，的確有助精神減壓 :)

哈哈哈哈講完


星期五約咗中同去街

yeahhhhhh 買咗我嘅 lip gloss bb 喇 ♥


---------------------------------------------------------------------------------------------


幸運兒係 lancome juicy tubes ^_,^

因為 clinique 內含嘅 lip stick 比較少用，而且啲色無咁實用
（所以算係用少咗 $100 yeahhh 好識慳家哦哦哦）


隻造作嘅馬仔係我 year 1 買嘅 dec 房架

跟咗我就嚟四年~~~ T_T

唔係貨 size 嚟嘅，細細支好得意 T____T

救命 ♥ 同妹妹隻熊 b 好相襯！！！！
左擁右抱，怒髮衝冠，相擁入眠，夾 ♥ 胳 ♥ 肋 ♥ 底 :DDDDD

隨意得很嘅試色 -_______- （由下至上，係上圖嘅左至右）
其實搽上嘴唇就只有上面兩隻色會紅紅哋
基本上第三隻嘅效果只會令令哋，或見到少些銀閃 -_,-++++
最底嗰隻就係帶金色嘅閃粉


---------------------------------------------------------------------------------------------

嘻嘻嘻 ♥ 然後就買咗我個小寶貝 anna sui 蝴蝶眉粉

我發誓我會日日畫嚟露眉 ^_,^

發姣加咗啲 Alice theme 嘻嘻嘻嘻嘻嘻

 可愛嘅喱士 X 蝴蝶 ♥ 好靚好靚唔捨得用 T___T
（打呢句嘅時候又拎咗佢出嚟欣賞 >__<
我是小學雞嚟 XD
上次去 tram visit 前一日都喺度興奮難捺
點知中伏 $%^&**%^$^$&）


只係遠觀，仲未褻玩 :D

 用法好簡單，首先用左邊個掃（斜角同硬淨啲）沾同為左邊嗰格（深啡色）
勾劃出理想嘅眉形，我通常呢........ 都係隨心哈哈，即係求祈
跟住就用右邊個掃（圓身同柔軟啲）沾一沾黃綠色
畫喺眉頭，blend 開啲啡色，令條眉無咁堅實（！）
最後再用呢個掃沾少少深啡色（左右兩格都一樣色）掃深啲眉尾
噢，條眉當堂 3D 立體、活靈活現 ^___,^



---------------------------------------------------------------------------------------------

咳唔，仲買咗其他寶貝哈哈哈
係兩件外套同長褲

隻加菲猫好樣衰 xx(


pink x grey 係金童玉女 T_T~~~

可愛嘅蝙蝠袖同星星鈕 ♥

難得搏盡有上身圖（！）

另一件係果粒藍 ^_< （！！！！！！）

個古怪心口針可以拆，珍珠貝鈕上面仲有粒珠仔 ♥

開始頹影喇 -_-

 最後係呢條棉質長褲，好暖好舒服
著上身好似 skinny jeans
 後面個小褲袋都好 cute cute

 前面啲相就係著住呢條褲影
不贅
（哈哈哈其實係懶）


---------------------------------------------------------------------------------------------

話哂個 tag 有飲食男女，少不免要講下嗰日食咗乜


由於朋友好鄙卑咁叫我決定（！）我就隨便 search 到萬豚屋
網上食評講到要排好耐隊咁... 大佬，嗰陣趕住去買嘢架嘛 XD
於是我就諗住早半個鐘去排定先啦
嗯，結果我就蕩失咗路，兜咗半個鐘（！）叻


正所謂食屎食著豆（！）
又畀我哋勁好彩咁去到即刻有位（大約 2pm）
環境好日系都幾骨子
有聽到傳說中嘅一個鐘封殺令*


朋友叫咗個石鍋豚肉烏冬

我都叫咗石鍋豚肉烏冬，不過就辣嘅

係上圖嘅紅色版（無相，哈哈哈哈）

飲品就只係一般嘅港式飲品

雞有雞味時間：

個石鍋都幾新鮮滾熱辣

烏冬好彈，至於手唔手打就食唔出哈哈

（要打電話問蔡 san**）

溫泉蛋啱啱好，超滑

豚肉少鞋，我覺得麻麻，真係要扣五十分！哈哈

湯底其實都算濃郁，不過唔會令你留下印像

嘢飲港唔港式，我無乜所謂

旨在解渴

$58 連飲品（未計加一，香辣湯底貴兩蚊）都算 acceptable

唔駛排隊都 OK 嘅，但實在無咩特別

要排咁耐就 prefer 去豚王（更逼 XD）

---------------------------------------------------------------------------------------------

之後都有去三眼仔樹度潮拜一下，嘻嘻嘻

人矮，影棵樹都肥矮啲嘅 :P

---------------------------------------------------------------------------------------------

註

* 有食客（排勁耐嗰啲）批評一入到去第一句就係叫你一個鐘內交檯

其實我都覺得好騎呢，不過聽講真係會夠鐘趕你走（！！！）

** 有時睇電視問：點解佢同呢個一齊嘅

我妹就會好不屑：你打去問下佢囉

嗚 /_________\

時至今日我都成日用呢句嘢 XD

聖誕心動系列 ♥ 被燒到了

喺香港地，聖誕節難免都沾上半點 commercial 氣息

ok.... 其實唔係半點，係好 commercial 哈哈

作為我嘅死忠，大家應該仲記得我開學時嘅慘劇

呃... 啱啱先加入我 fans club 嘅朋友可以參考一下：

不應該返學

內容係關於某好學不倦嘅女學生奮發向上嘅經歷

相當勵志，賺人熱淚

講講下我都悲從中來添頂

就係無左部份化妝品嘅緣故

搞到我一直想添置唇膏（或 lip gloss）同埋眼線筆

（主力係前者，因為仲有眼線液、眼線膏同無咁鍾意嘅眼線筆s 哈哈哈）

---------------------------------------------------------------------------------------------

首先燒到我嘅係：

SONIA RYKIEL Sweetie Doll set

天呀呀呀好萌呀

個 ♥ 簡直係殺人於無形！

對於 SONIA RYKIEL cosmetics 好用與否...

我係唔知嘅哈哈哈

只記得 SONIA RYKIEL X H&M 嗰件彩色間條冷衫好奇怪 ^_,^

左一：lip gloss / 左二：cheek powder

右二：eye shadow / 右一：可愛到爆附有迷你蝴蝶嘅小粉撲

好靚好靚好靚 T___________T

有三隻色號

上 01：公主娃娃 ♥ sweet / romance ♥

中 02：名媛娃娃 ♥ rich / elegance ♥

下03：貴婦娃娃 ♥ chic / sophisticated ♥

$450/set

又，唔係話想買唇部彩妝架咩？

呀係因為我一見到 01 個盒....

以為係 d lip stick / lip gloss set >________<

誰叫她長得這麼粉嫩啊啊啊

---------------------------------------------------------------------------------------------

後來我集中返喺唇部彩妝嘅 set 度

某日收到 CLINIQUE 嘅 email 廣告，有各種嘅 xmas set :D

其中有一個係 lip stick + lip gloss 嘅 set！

一個 set 滿足哂三個願意：唇膏、唇彩同駛錢！！！

$320/set

有兩支唇膏同四支唇彩，仲有個靚靚 key chain 同化妝袋添！

我就至鍾意畀呢啲雞肋呃架喇哈哈

可惜個 BA 好似都唔知邊隻色打邊隻色

試色嗰陣試唔齊啲顏色

而且 lip stick 嘅色有啲老氣 -_________-

再者個 key chain 同化妝袋又真係無乜用..

（難得清醒哈哈）

---------------------------------------------------------------------------------------------

(window) shopping 當日

仲有到有 Lancome Juicy Tubes 嘅 set，每隻色好好睇咁！

隔離屋都話 lip gloss young 啲，實用又方便啲

$220/set，好平呀呀呀

但係 BA 話未有 sample 試色住，試咗先決定！

跟住就死喇 -___________-
而家買滿 Lancome 嘅嘢滿 $500 就可以加 $480 換購以下嘅 set

呀呀呀好吸引呀！仲有三支 lip stick 添！

我個心即刻想買夠五百蚊啦 XDDD

隔離屋馬上 dis* 我：唔准買呀！明明買二百蚊嘢變到成千蚊！

有幾多樣係你無或者你需要架？

之後拉走咗我 -____________- 好想亂駛錢呀呀呀

話說我今年決定要好好儲錢**

已經好耐無亂咁買嘢 T______T

以前真係一得閒就會淘寶哈哈哈，技能嚟 XD

---------------------------------------------------------------------------------------------

另外仲畀呢個 Anna Sui 蝴蝶眉粉盒燒到我遍體鱗傷

集合蝴蝶、蕾絲、玫瑰於一身，殺人不費吹灰之力呀

網上嘅 feedbk 仲話顏色好自然好好用

$210 咋！天呀呀呀，好想買呀呀呀呀

問題係我之前盒眉粉都好少用，係用眉筆多

搞到唔知買唔買好 T_______T

-------------------------------------------------------------------------------------------

較早前燒瓜我嘅係林三益化妝掃

相傳林三益啲化妝掃毛質優良

嗚嗚加上啲款式咁動人，真係想帶哂佢哋返屋企！

會不會太邪惡呀？？？粉紅色架！！

粉紅甜心旅行套裝

$688

聖誕仲推出「 美.人.心」粉紅 X'mas Set

呢個 pat pat 心心掃簡直係名物 T________________T

$458

奈何我已經有一 set 淘寶買嘅掃

上至粉底掃、下至唇掃俱全

質素方面無比較之下我覺得 ok 哈哈

不過就肯定無藉口再買多套掃！頂！

於是被燒到心花怒放嘅我完全無破到財哈哈

嗰股火只係喺我體內燃燒啫 *3* 得戚~~

聽日我約咗中學同學食飯兼行街
（就係喺小食館見到房祖名嗰個）

睇吓買 CLINIQUE 定 lancome

同埋問吓佢買唔買 Anna Sui 好 >_<

佢同隔離屋都屬於理智型買家 -_-+

---------------------------------------------------------------------------------------------

而我近日唯一入手嘅就只有 Missha 嘅 concealer

承惠 $78 啫哈哈哈，呢樣比較急切嘛！

雖然上一盒喺跌咗，但都算係回購啩哈哈

初初我只係用嚟遮黑眼圈，後來懶起上嚟乜都用佢嚟做遮瑕

相比 bobbi brown 嘅眼部遮瑕，兩者效果差唔多

b.b. 係就係遮得 delicate 少少

不過嗰少少就相差好幾百蚊喎（！）

而且用用吓根本就無咁好心機，

用嗰個專 for 眼部嘅 base 同碎粉定眼妝

啲碎粉仲會倒瀉 -_____-

Missha 啲 concealer 另有一個 new model

唔單止貴啲（$118），而且乾好多

啲 ba 會推薦呢款，千祈咪中伏


---------------------------------------------------------------------------------------------


註
*dis 者，discourage 也，指被阻止加心灰 T_T
**忽然玩儲錢係因為成廿歲人都無儲過錢（！）
我係每個月一有錢剩就會用埋佢
嗰個月少錢就慳啲駛
所以未試過入不敷支，但又一毫子都無儲 XD