2011年9月28日

味 • 一人晚餐

最近補習與補習之間有好多空檔
可以好好去食個飯
點知適逢宿舍 floor o(迎新活動)
大家都唔得閒陪我食
於是展開左三日既一人晚膳之旅

通常呢 D 時候我都會去超市買兜壽司食
試過幫襯百佳、專康、爭鮮之流
高檔少少有 market place 同吉之島 lol

百佳築地壽司都 OK 架
不過都成四五十蚊盒
我通常減價先會買、哈哈
我係海怡間超級廣場買完上 food court 食
少少淆底(哈哈哈)

平時超市 $3@ o個 D 就真係幾頹
不過家下超級廣場既水準都下降左
另外爭鮮都係 $3
比超市好少少、但都係無乜選擇

market place 就真係幾新鮮
不過就頗貴(相對上)
通常買返屋企一家人食先會光顧
或者之前係 bra shop 做都會買
(都係朗豪坊嘛)

而吉之島係指旺角創興地下右手邊 o個間
佢都係吉之島旗下架
不過個名唔記得叫乜 -_______-
呢間質素幾好、價錢又實惠過 market place 少少
---------------------------------------------------------------------------------------------
另一日去香港仔補習
諗住去吉野家打一人邊爐(!)
點知瞄到有個鐵板牛肉定食
吉野家既日式火鍋之前都 J 過
但無食過鐵板燒
而且仲平過打邊爐哦
於是就試一試啦

味自慢* ♥ 鐵板牛燒肉定食
好豐富架!
當然有碟牛肉畀你燒啦(!!!)
右上個碗有兩片豬肉(唔太記得 XD)、肥牛卷芝士腸、
一堆粟米粒、青椒絲、紅蘿蔔絲同洋蔥
仲有隻蛋畀你打落去(!)
另外有碗燒汁同珍珠飯

其實個鐵板好多油(免痴底嘛)
不過成個定食真係好好味
我首先落哂 d 粟米青椒紅蘿蔔絲同洋蔥
諗住香口 d (?!)
跟住就煎下 d 肉黎食
個燒汁可以淋落去炒既
但係我用黎點牛肉、有少少濃哈哈
肥牛卷芝士腸就好易散
同埋要反幾反先煎得好
味道就唔錯既

最後留返幾塊牛肉加蛋炒
成個餐(連埋 d 油)我都食得哂哦巧口力口力口育
---------------------------------------------------------------------------------------------
住 hall 既時候
其中一位好友係滷味店太子女
成日拎滷味畀我食,嘻嘻

最近返返屋企住
好耐無食過滷味了 T________T
所以係樓下超市買左盒黎懷緬下

當然無我條 o靚屋企 o個 d 咁 juicy 啦 T________T
好掛住佢同佢滷味(!!!!)

*味自慢:意指店家覺得自己 d 野好掂檔、巧威威咁解
不過吉野家亂作左個新意思:
無論在食材、分量及味道都可隨個人喜好調配出屬於自己的口味。(!!!)

---------------------------------------------------------------------------------------------

標題取材自:Starbucks D咖啡杯真係咁好影咩??

2011年9月25日

《 2 人三足 》Time 4 Hope

暑假搬家了,可一直沒有狠下心腸執屋。
近日喜歡在夜深時分,伴隨着電視聲收拾。
是夜播的是《 2 人三足 》,講述才華橫溢的當紅編劇阮繼志
與富有愛心的平凡女護士學生鄭艷春( Cindy )
相遇相知相愛的 Love Story。
形容為愛情故事,有點說不過。
因電影中的情節,切切實實根據阮繼志於 1989 年車禍後的真實生活而改編而成。
電影中的女護士下嫁了阮,而現實中的她也真的成了阮太太。
兩人結婚十餘年,還有一對可愛的兒女




在於我,好像看到自己的影子...

當初想到寫網誌,是因為跟拍拖三年的中學同學分開了,想找點寄托吧?
(不過太懶,也沒有怎麼寫過,哈哈哈哈哈哈)
後來到骨科病房實習,邂逅了現在的男友。
呃... 他嘛,同樣是撞了車,幸好只是斷了右腿(!)
不是截肢啦,是駁骨,然後走路有點拐而已。
可他的身影在我眼眸裡倒是好性感迷人(!!!!!)哈哈哈


那一個晚上,我看到 Cindy 帶阮見家長、談結婚一幕,就落淚了。
她家母當然是猛烈反對,還不停哭(!!!!)
結果他倆偷偷的、草草的註冊了。
沒有婚紗、沒有介指、沒有祝福....


我跟他剛開始的時候也不被看好,朋友都覺得我衝動。
最深刻是我妹妹煞有介事地問:你真的認真嗎?
為此我也嚷過好幾次分手(!!!)
但兩個人慢慢地走下去,我放下其他人投下的陰霾。又覺得好一點,然後再好一點。
後來朋友們也感到我跟他一起的快樂,連(不知情的)媽媽都感受到我的改變。
我希望有一天能夠似勇敢堅持的 Cindy ,為自己的愛情守到最後、開花結果。


又,阮先生在某專訪指此片有 99% 皆為真實。
我覺得連醫院裡的刻劃也真實得很,看得出資料搜集做得認真。
(除了姑娘要上天台晾衫之外)
最後附上阮先生的個人網頁
阮太太真人也挺省鏡哦,不比朱茵遜色 :D



DIY pop up birthday card

男朋友就生日鳥
其實以前都 DIY 過好多卡
但就無整過 pop up card
所以今次一於挑戰自己!!!!

不過我都係跟住人地 d 教學黎整... 哈哈哈

Birthday Pop Up Card: Square Cake Tutorial
Birthday Pop Up Card: Square Cake Part 1
Birthday Pop Up Card: Square Cake Part 2

呢個網好好呀...
有唔同節日既卡、有哂 video 同 紙樣 =D
我 subscribe 左添、嘻嘻

1) 跟住紙樣起返個草圖先
Template 紙樣
最好就 print 出黎
慢慢畫
但係我無 printer...
所以我將張紙「達」落電腦個芒上面描
哈哈哈哈哈哈
後來就發覺有 d 唔岩位*

2) cut 左最出面先
如果唔係
萬一 cut 好哂入面 d 花
到最出面先 cut 錯就慘喇
(入面難整過出面)
基本上得最底中間個條線係唔 cut
其他個 d 都可以放膽剪 XD


3) cut 入面 d 字同花紋
個網話記得 d 字係左右倒轉左
不過跟住紙樣就唔會錯、哈哈哈哈哈哈
企起身個陣個「Happy Birthday」就變返正~~~
其實呢個 step 用筆刀黎雕 d 線會幼 d 同個切口就順 d
可惜我無筆刀哈哈哈哈哈

4) 個紙樣仲有個蠟燭圖樣架
呢個易剪超級多!!!!!!!!!!!!!!

5) 試下插個蠟燭圖樣入蛋糕圖樣度先
蛋糕圖樣有五個窿窿架
就係將蠟燭插入去
左右咁禁低個蛋糕
睇下 d 蠟燭會唔會 kick 住
ok 先好呀!!因為真係會唔岩位架!

6) 最後就貼埋蛋糕既左右兩邊
yohooooooo
咁就整好喇~~~
不過我個蛋糕左右太長
企起身唔夠方
我遲 d 會剪開佢.. cut 短 d 再貼!

7) 係外面貼張紙做 cover
嗯... 所以整之前你可以諗下個蛋糕想用咩色紙
出面又襯咩顏色咁
同埋剪完蛋糕個窿窿可以再用紙剪 d 圖案黎遮住
或者直情 cut 剩少少紙(上圖白色既位)都得
但就小心 cut 得多得濟唔食力囉哈哈

8) 我個 cover 仲係制作中
呢堆係 happy birthday 黎架!
抄考淘寶既相(link 從缺)
嗚嗚、但整出黎個藍色邊邊唔太特別
白色o個個位我諗住貼多張粉藍色既紙撞色 :)


* 都係正正經經 print 個紙樣好 d 哈哈哈哈哈

更新:
我最後底都係留白
不過貼左 d 野遮住個窿窿


打算上面(紫白色處)寫下野
心心旁都會寫字


蠟燭加左顏色
(一早 o係紙樣就整色會美觀同簡單 d )
另外左右剪短 d 再貼過
等個蛋糕四方 d~
最後加多個發姣蝴蝶 ♥ 嘻嘻

---------------------------------------------------------------------------------------------

後記

個網變紙樣差唔多全部都要畀錢
好後悔當時無 download 哂佢呀 >__<

2011年9月24日

勝香園。豚王。Apple Store

讀左 hku 三年......
莫講話蒲中環、我連 main campus 都唔係好識路*(!)
勝香園呢檔中環大牌檔係就係出名
但我連係邊都唔知 -_-
早兩日同 hallmates 去食啦
等左好耐都無 8 號小巴
結果搭的士去
司機大佬明玩野... 完全唔識路
搭左幾廿蚊仲要落左車再搵 T_T
萬水千山先去到 /________\

我地去到都三點左右
但仍然係好 full(!!!!)
好彩都仲有幾個位、唔駛等(真係得幾個!!!)
企理就唔太企理架喇
例如:我前面有兜蕃茄湯加汽水樽一直無人收
不過我就無乜所謂、哈哈哈
仲同朋友子講:請你飲個例湯先啦 *V*

朋友子個蕃茄牛肉豬扒蛋麵勁大咪(!)
後面o個個係蕃茄豬扒餐肉麵

咳唔... 我覺得個麵堅麻麻
(傳說通粉好味 d、但........ 售罄 T______T)
D 蕃茄頗足料、酸酸地幾開胃
但我覺得唔太 match 個麵
牛肉完全無味、係滾熟左咁囉(!
豬扒好少少、不過都係無乜味
係得塊餐肉好食 d(可能因為本身已經有味啦 XD)

另外仲加多左個「名物」檸蜜脆脆
呢個就係好食喇
酸酸甜甜又夠脆 :D
仲要賣 $9 咋(!!!!)

我叫左支可樂
咸檸七就無試到... 所以唔知 XD

我諗下次順路先會去食下其他脆脆
特登去就唔會喇
---------------------------------------------------------------------------------------------
yohoooooo
跟住第二日就同另一個 hallmate 去豚王
我應該是鄉下人
完全唔知有間咁出名既拉麵店
我諗我要脫下毒先得喇!哈哈

個度真係好多人排隊
我地十一點三度去到
好似都排左一個鐘多 d
不過一路傾偈一路就唔多覺耐既

排到差唔多去到隊頭
個 staff 就派張紙仔畀我地落左單先
其實都係四個選擇:豚王、黑王、赤王、翠王
朋友子巧威威口我
佢已經試過黑王同赤王、今次就揀翠王

到我地入座個陣
隊尾已經排到上公園**(!!!!!)
好霸氣哦

豚王係就咁豬骨湯叉燒拉麵(好係似)
赤王就辣辣地、堅係紅色既(朋友子講的)
黑王又堅係黑色哈哈哈哈哈哈
黑色個堆係蒜蓉肉碎
食到後來發現撈混哂仲好味 :D
而最勁秋既係... 翠王都堅係綠色架!哈哈哈哈哈哈
frd 子講完我都唔明即係咩味(!)
下次試試先

另外加配料(如:紫菜、叉燒)會另上
我覺得有 d 麻煩哈哈

一餐唔好味一餐好味
i'm luckyyyyyyyy  *V*
---------------------------------------------------------------------------------------------
隨手同呢個 frd 去 ifc 既 apple store*** 朝聖


見到 d 保安係天橋度清理緊
應該今朝排到出黎天橋 
 一去到門口就有堆藍衫職員係度 wowwww
同埋狂拍手掌
原來係 apple tradition 黎既
我就覺得好似我地迎新扮 hyper!!!!!哈哈哈
咳唔
我好冷感呀
淨係覺得佢地咁嗌好嘈好累好慘 

件 tee 好頹

* 唔識路係因為一直係醫學院上堂
而宿舍都係個邊 -________-

** 強烈建議十一點前好去排隊!

*** 男朋友聽錯 apple storm
我:係呀!蘋果風暴呀!哈哈哈

2011年9月21日

DIY 鐵盒印仔


剛剛係 hall 搬返屋企個陣
我媽問我 d 印仔貼紙係咪送畀補習 d 小朋友
其實...... 我買黎畀男朋友(!)哈哈

最近我決定執好堆印仔
同一系列有五盒(!!!!)
不過每盒都係 rmb 3.99(!!!!!!!)
好抵哦~~~~


芭蕾 ballerina 第一盒

精靈仙女 fairy


馬戲 Circus1


小孩 little kids



珠寶 Jewelry 

制作過程:
其實買返黎既時候無咁精美架
每個印仔都要自己貼(?)


A) 當然要淘左盒印仔先啦
B) 入面有舊海綿體(哈哈哈)係個印仔既 bodyyyy
C) 印仔既凸橡膠印面
最後就係貼紙一枚~~~~~~

我記得 B 呢舊野得 d 紋
要自己 cut 開佢
然後佢一面係有雙面膠紙
用黎貼 C (C 都係自己剪開)
最後就跟返個圖案
貼貼紙

效果就一般般啦
都睇到個圖案既
但係有時就沾墨太多
圖案會花左...
但係四. 蚊. 人. 仔. 咋! yohooooooo

購買地址:以她念月

2011年9月17日

《型男講座》&《人氣男之道》

想當年係高登睇左個 post
我真係笑到癲左
本書係教一眾男士搖身一變成為魅力男既貼士(!)

睇下條友幾型(!)

其實我當時拿拿聲 dl 左 ebook
但係呢本書真係好搞笑
所以我上網訂返本黎珍藏 <3


內容:


遲下貼幾篇我覺得比較好笑既先!