最近無寫 blog 除咗因為新工而意志消沉（！）（認真）
同時又迷上咗一堆丁丁，哈哈哈哈哈
---------------------------------------------------------------------------------------------
講咗 app 先啦，呢期瘋狂咁玩 **draw something**
已經豪花 USD 0.99 下載正式版（ok 其實唔豪，係我平時孤寒 XD）
一入到要揀個 acc 登入，eg. facebook, email etc.
用嚟 search 你有咩朋友都玩緊
我逼（？）男神 dl 嚟一齊玩
佢一見到要用 fb acc 就滿有戒心咁問要嚟做咩
我（輕鬆~~）：你無 privacy 架 click 啦
哈哈哈哈哈哈哈哈
入到去就 click create game，用 facebook frd list 搵人一齊玩
我而家玩到條 list 水蛇春咁長~~ max. 30 個 current games
nudge 係 poke 啲 frd，如果對手好耐唔應機
可以 nudge 佢或者果斷地（！） delete 你地之間嘅 progress
圓圈一同二其實都搵到朋友玩
不過圓圈一可以轉用其他 acc search
圓圈三嗰個 shop 可以買炸彈、超級貴，轉頭講
如果係我想畫畫叫人估，首先要揀個字先
難度愈高愈多 coin，通常朕都不屑畫一個 coin 嗰啲
好有才華哦 ^_______,^
當三個字都唔知點畫好，就可以用炸彈先生爆啲新字
朋友告誡我千祈咪亂用，用哂一開頭嗰五個要買就好貴
我一直銘記心中，小心慎用
點知成日隻手指想督字就督錯咗炸彈先生.................. 完。
畫嗰陣有好多顏色揀 ♪ 按 + 號可以再買新色
筆頭大細有得轉、擦膠逐下擦、垃圾筒就成幅清空
我已經買咗好多隻色~~~~ 嘻嘻
♥ 最新 status 係左邊幅圖啲色已經買哂 ♥
再落啲係買漸變色，感覺頗廢
如果係對方先畫畀你估
一按佢就會逐個 step 咁顯示人哋幅圖
（就算用過垃圾筒都一樣會 show~）
所以可以畫動畫（！）
而我就成日用嚟同妹妹或相熟朋友 chat，如：rubbish!! 寫得好醜等等
友誼增進不少哦哈哈哈哈哈
妹妹之前叫我估 korea，只係寫住：泡菜國（！ ）
我（笑到死死下）：你咁求祈！仲要侮辱人地個國名！
佢（裝可愛）：咁應該點畫哦
我：你可以畫兩隻韓國公仔架嘛！
後來我就收到以下呢兩隻怪獸仔....
我（又笑到停唔到）：今次又咩嚟呀？
佢話畀多次機會畫 korea，佢就畫左呢兩隻怪獸
當你遇到呢個怪獸估唔到嗰陣，都可以召喚炸彈先生
佢會幫你炸走啲字，等你易啲估
妹妹作品展：
呀煩達怪獸
憂鬱 KFC 老頭
代表作：道歉時露出胸部是常識吧
當初就係我妹妹教我上高登的 sosad
---------------------------------------------------------------------------------------------
講起高登，就不得不提最近追嘅《那夜凌晨，我坐上了旺角開往大埔的紅van》
又係我妹妹話好睇叫我追 post 的 XD
初初以為又係啲咩甜故（鹹濕故仔），加上唔係大埔人
差啲就錯過呢個精彩嘅懸疑故喇 >_<
內容大約係講主角深夜坐亡命紅 van 返大埔
點知發現呢個世上嘅人同車都消失哂
得返紅 van 上嘅司機同其他乘客
而家晚晚都會等文 T_____T
樓主超有膠帶，出唔出文、幾點出都會交低聲
有禮貌到好似另一 user 鵝鑾鼻燈塔
兩者出書我都會買 :)
---------------------------------------------------------------------------------------------
而因為呢個故，又睇多次《飄流教室》同《大逃殺》
然後早排就睇《XxxHOLiC 四月一日靈異事件簿》
四月一日係主角個名 -_-
呢期就睇《怪談百物語》同《學校怪談》
呃.... 我係比較 wow 的（即睇埋哂啲舊嘢）
除咗《飄流教室》同《大逃殺》係漫畫
其餘都喺 PPS 睇
