忙者，心之亡也 /________\
今個星期唔知你哋有無掛住我呢？
我亡咗一個禮拜呀！！！
其實都仲未亡完，仲有好多嘢做
希望可以快啲返生啦
平時啲補習ssssss 都乃閒事 ^_,^
我又揾多咗份 part time 嘿嘿嘿簡直就係神呀
呢份工係賣教育軟件嘅
即係嗰啲呃細路玩遊戲，其實仰做題目哈哈
第一次返係去黃大仙某小學
當時全港 top salesgirl （我）都係啱啱知隻碟係賣乜（！）
不過都開到幾張單嘻嘻
底薪連佣，返一個朝早就有 $500！
仲有早餐食添
嘩真係覺得筍到爆呀！
之後兼職嗰邊打嚟問我返唔返啦
係去某學費過五位數字嘅國際學校
心諗：啲人咁有錢，今次發啦！
返呀返呀返呀
去到嗰日，一踏入校園已經感受到嗰股氣質
真係難怪學費咁貴
嗰度啲小朋友只有一半識廣東話
因為佢哋主要講英文同普通話（！）
做咗一陣就知中伏鳥！！！
原來間學校係提倡讀書風氣嘅
於是啲老師會趕啲小朋友過隔離檔睇書買書（！）
而家長呢，就直情無嚟到嘅（就算嚟都係買書）
所以啲小朋友想買又無錢（！）
有錢呢，又用哂嚟買書.. -_-
班小朋友仲有張 wishlist
好似通告咁，叫爹哋媽咪攞錢出嚟（！）
結果 keep 就 keep 咗好多貨
真係攞錢返嚟買就... 唉
於是兩日工得嗰一千蚊（每日九個鐘呀！）
國際學校最尾一日
老細又問我今日返唔返
我即刻狗衝：返！！！！
故事嚟到呢度... 當然又中伏啦頂！
呢鑊就去天水圍某官立小學
天水 • 圍城果然名不虛傳，
係一個悲情城市，但悲者是我 /_\
明明係家長日都好少家長
而且佢哋對我哋係視而不見
連單張都唔接（！）
有時有啲機嘅客又俾老細食咗（！！！）
卒之出得三百蚊糧！（另加五十蚊車費）
三 • 百 • 五 • 十 • 蚊！
難為我倒塔咁早六點就起身嘛嗚嗚
而兼職期間又要交 nursing care plan
就係俾個 case 你，睇吓佢有咩症狀
寫吓你會點樣針對呢個症狀照顧佢
重點係：做完先發現我之前做過呢隻症狀！
有得抄無抄，慘過敗家！
星期五就考中醫，温得嗰兩三日哈哈
因為 keep 住返兼職、補習、re-u ^_,^
温到想殺人！武林派別咁
跟住又要用英文教（！）
其實只係將啲名詞變普通話拼音 -_-
例如 yin yang （陰陽）、shen qi wan（腎氣丸）
我温到體內好多 yang，要食啲 yin 嘢
（喺床度食，哈哈，啲雪糕我姑姐醒我嘅 ^_,^）
不過~~~ 50% 係 MC，50% 係 case study
而萬惡嘅 case study 係有筆記温的哦 ^_^
至於考成點... 至少合格囉 XD
神人我考完又去兼職加補習嚕~~
夜晚仲同中同食怪獸壽司~~ 神~~
本身今日休息吓嘅，又去咗返工
之後同男神食飯行街，再 join 啲同屋主s 去睇 3D 丁丁
沒有留言:
發佈留言