書桌一隅

人的氣質大抵多多少少能從身旁小物外露...

有一日，朕發現自己張檯特別亂

望一望隔離杭州人張檯：laptop、文具、一堆書sssssss

啲書有法文 grammar、心理學、會計等等我唔想再講喇 T______T

文化人呀呀呀呀

呢個女人最近仲神神秘秘摺咗好多個 square cube

初初我以為佢貪得意整一兩個，後來愈整愈多

仲畀朕見到佢古古惑惑咁寫啲字喺個 cube 入面

本神探懷疑係整畀佢男朋友嘅！

杭州人係個好認真學習嘅人

雖然佢都會玩 facebook 嗰啲低 b game...

做起嘢上嚟係完。全。聽。唔。到。你。叫。佢，十足十男人咁

無論佢幾點瞓，佢都會七點幾就起身（！）

佢嘅理論：寧願起身睇漫畫，啲時間都唔會喺睡夢中過咗

嗚呀，多會善用時間的好孩子啊啊啊

而且佢晚晚都會同爸爸媽媽 facetime，講啲有營養嘅話題

例如：討論喺香港學法文嘅師資、paper 嘅方向點寫

而我同佢嘅對話呢，當然係講返我呢個程度嘅 9 嘢啦哈哈哈

下次先再講杭州人嘅男朋友

---------------------------------------------------------------------------------------------

另一個內地生就係長沙人

老實講，莫講話長沙，長沙灣我都唔係好熟

而長沙人呢 -_- 自己都唔係好知有咩名勝咁哈哈哈

啱啱問一下維基先生，先知原來長沙都有好多文化遺迹

但我對於長沙就只有「辣」呢一個印象

因為長沙人食得好辣，而且食咩都落辣醬

佢仲話成家都係咁食（！）

最近佢就請我食薑（！！！）好似醃酸蘿蔔咁，不過就酸辣

（用咗美圖秀秀，勁濛 ♪~~  *3*）

仲有呢個特產臭豆腐，朕仲未（敢）試食哈哈

長沙人都好學~ 夜晚會睇吓英文 vocab、或睇 TVB 膠劇學廣東話

仲貼咗啲驚世名句喺牆度勉勵自己！！

幸運地（？）我喺大學認識到嘅內地人都好有禮貌、正常企理

而佢哋嘅學習態度真係積極好多... 時間管理做得好好，做嘢專注到不得了

所以除咗話人哋同我哋爭資源之外，自己都要反省吓點解會爭輸

至於話佢哋只掛住讀書呢，我倒又唔覺

只係佢哋蒲嘅圈子唔同啫，我見佢哋都好多街去、有上庄、又有 join u 啲活動

當然，係有好多騎呢自由行、雙非怪獸

不過我覺得反蝗之餘，都有好些內地人值得學習嘅

---------------------------------------------------------------------------------------------

而我同房呢，呀摩洛哥人已經係讀緊 PHD -..-||||
（杭州人係 freshman，語言天份王；長沙人 post-grad，勤力丁丁）

喺大家都咁優秀嘅環境居住，我（初初）都好大壓力 T______T

後來當然係繼續撻皮 fing fing 啦啦啦 ♪

而且經常同佢哋講 9 嘢，教佢哋地道嘅廣東話，例：屎忽鬼

摩洛哥人一做 research 呀 paper 之類

檯面就會一大堆書，教我情何以堪呢~~

佢比兩個內地生更鍾意啲傳統嘢、香港特式，老外嘛

第一次帶佢去飲茶，佢開心到笑咪咪咗成餐茶！

通常一齊食就教佢啲節日呀、風俗習慣，好難譯架 .\_/.

（佢仲攞咗張點心紙，畫圖認住啲點心 :D）

佢會唔知喺邊度記低啲地方或食肆去觀光遊玩

每次去完一度特色地方就會喺 facebook：某某地方，check！

最近一次係去梅窩！！！然後我見到都會話佢比我更香港人 orz..

佢愈來愈多 check！喇嗚嗚

---------------------------------------------------------------------------------------------

終於都到朕嘅御書檯喇............

就係一堆公仔麵（兩層）......

仲有四個袋、三盒 mask、兩罐茶葉、一支全新沐浴露（！）

櫃桶一堆有之前皮革班堆皮、零食、已折嘅信呀單呀........

上圖右邊嗰幾個 file 已經係我張檯全部嘅 notes........

已經再無任何正經嘅嘢 -_________-

亂到我唔好意思影全相 -___________-

btw 最近我入咗貨 ♥

某日萬水千山去香港仔補咗一個鐘習，頂！

為免浪費程車，我去咗百佳、惠康、華潤、大昌 shopping

新意派有三隻口味，最好食都係卡邦 nana 至正

作為肥蟹，我有時仲會加塊芝士 XDDDDD

而包灣仔碼頭就嬲死我喇，買貴咗

死人華潤扮哂買三包平啲，點知其餘間間超市都平過佢

.\皿/.

---------------------------------------------------------------------------------------------

PS 最近好忙呀，啱啱開 sem 就有兩個 exam

考返 sem 1 嘅 subject（？）

搞到無咩心機習都唔想補，整畀男神張卡都來搞掂

下個月又有個佔 40% 嘅 test 加一堆 assignmentssssss

同埋有個事業轉捩點哈哈哈

BB 科 —— 產科冒險之旅 T_T

緊接手術室實習之後，就到婦產科實習

今次去兩個星期，到新年就放假

話說係去一間無去過嘅醫院

於是雖然院方有 orientate 過個環境、路線

但係我哋大部份時間都係蕩失路嘅...

而婦產科除咗話生嗰吓之外

其實係做好多嘅產前、產後檢查

所以我哋大約兩日轉一個地方學嘢

第一站係去做產前檢查

可以見識到唔同類型嘅媽咪同夫婦（！）

有啲人會問好多嘢好緊張，有啲人就檢查完就極速走（！）

呢啲人生百態都幾得意 :D

檢查主要係睇睇產道有無異常、聽吓 BB 心跳

嘻嘻，鄙人有幸摸吓肚~~ 試吓用儀器聽 BB 心跳

話說個儀器放近 BB 背脊就會聽到

我有時明明摸到背脊應該喺左邊，但原來喺右邊 -_________-

我：明明摸到另一邊架喎 >_<

姑娘（取笑）：你又知嗰邊一定係背脊？你估你透視眼咩

然後佢：其實有時都靠彩數嘅 XD

同埋 educate 吓啲媽咪，例如某啲檢查點解要做、點做呀

甚至有無需要進補之類都會講解

第二站就係做上述提到嘅某啲檢查喇

我係去一個專係照聲波檢查嘅門診

咁有好多種嘅 purpose 同做法嘅

有啲照嚟睇吓 BB 身體結構有無問題

有啲就照嚟度 BB 頸皮，睇吓患唐氏嘅機會高唔高

我哋由咩都睇唔到，到揾到 BB 啲頭仔、手腳！

（因為照聲波嘅影像都幾難睇 XD）

而照嗰陣會熄燈嘅，於是有時我會中眼瞓哈哈

第三站係產後（其實都有啲產前 case）

yohoooooooo 終於有得掂吓啲 B 喇

有個 B 房擺滿一堆 B 等沖涼餵奶！
簡直係天堂呀呀呀呀我哋喉住呢度好耐架喇哈哈哈

每次姑娘教我哋嘢，我哋個心都係喺 B 房 ♥♥♥

♥♥ 我第一次湊 B，幫佢亂改咗個名做莫探員嘻嘻 ♥♥

我自稱莫探員係第一得意 B :DDDDD

同學：估唔到啲 BB 咁細個就要畀我哋評頭品足

我（冷血）：呢個世界就係咁殘酷~~~

我媽咪話我 BB 嗰陣眼大大，都好受姑娘歡迎

相反我妹就................. 哈哈哈

不過其實個個 B 都差唔多樣哈哈哈，我只係太鍾意莫探員啫

我幫佢換片啦、沖涼啦、餵奶（餵我啲人奶）

嗚嗚，我哋已經有深厚嘅感情喇 T________T

啲 BB 全部都好可愛，又細細隻咁 cuteeeeeeee  ♥♥♥♥♥

另一日我照顧嗰個叫小鳳b

佢好曳唔肯食奶，一餵佢就「咪」實個嘴！！！

好不容易隊咗個奶樽入去，佢用條脷頂返個奶樽嘴出嚟

我用少少力質返個奶樽嘴入去啦佢啜兩吓扮飲

然後露出一個濁親嘅衰樣（！）

襯我抆返支奶出嚟之際，將頭先個兩啖奶吐返出嚟

完全同我細個一樣！！我同媽咪講嗰陣，佢都笑咗好耐

第四站係手術室，即係產房

帶我哋嘅姑娘係我哋師姐，好溫柔好有趣又好人 lucky~

當我 fing fing 吓嗰陣，有個媽咪生得

於是師姐就拉我入去睇啦

我一啲心想準備都無，而且個媽咪唔係第一胎、生得好快

搞到我睇吓呆咗，當時真係好震撼（！）

師姐喺旁邊講書，我 keep 住 *囗* <---

一句都聽唔入耳，嚇到好驚

尤其是 BB 個頭出咗少少，見到佢啲頭髮

跟住個頭仔出吓入吓唔係好出到

然後突然一出到成個頭，啲胎水連個 B 一嘢爆發出嚟！！！

一床都係水 + 血 >囗<！！

之後仲要整埋個胎盤出嚟...... 個胎盤就係血淋淋一灘嘢咁

最後仲要睇住姑娘幫媽媽下面聯針.. 嗚嗚嚇親我喇

第二日就有機會睇人哋開刀

嗯，一 • 樣 • 咁 • 恐 • 怖！媽呀 >________<"

 醫生用手術刀切開個肚，仲要用手擘大啲 T__________T

之後就直接攞個 B 出嚟 >囗<！！

通常開刀個 B 都未足月之類，成身都係胎脂黃甘甘 T___T
跟住又係睇聯針嗚嗚......
除咗睇人生仔，我哋仲有得學點樣檢查個胎盤
嗯，就係嗰灘血淋淋嘢........................

而捐臍帶血，就係姑娘喺胎盤連埋嘅嗰條臍帶度抽血

係生完之後，姑娘處理嘅

所以係唔會拖長生仔嘅時間，亦唔會痛，更加唔會影響到個 BB

生完之後，個胎盤只係醫療廢物，紀錄好就會棄置

如果媽咪同意捐臍帶血，姑娘先會喺臍帶度抽血

啲血先有用，而唔係捐個胎盤嚟食（！）

臍帶血係含有好多血幹細胞，係負責造血嘅

可以用嚟醫治患有血病嘅兒童，例如血癌、白血病之類

點解主要係兒童呢？因為臍帶其實話長唔長，只能夠抽到好少血

血量少，骨幹細胞同樣唔會多得去邊

小朋友需要嘅量比較少啲，所以主打係畀佢哋

講咁多係希望大家多啲認識，第時有機會都可以捐臍帶血

你一個小小決定，唔痕唔癢唔痛

可能就救返一個小朋友，令到人哋一家重生

當然，你會問點解唔儲起佢幫自己個 B 傍身

但係私家抽臍帶血大約要萬幾蚊，每年再畀千幾蚊儲

（要儲到十幾年不等，唔通儲兩三年玩吓咩 -_-）

而且自己嘅 BB 唔係患有呢啲咁重型嘅病，根本無用（！）

最後一站都係產後病房，不過通常住順產媽咪

即係話佢哋會自己湊 B T_______T

我哋主要係去產房收啲啱啱生完嘅媽咪過嚟、檢查吓啲新生嬰兒

嗚嗚，好想玩 B ♥♥♥

後記：雖然好驚，但我都會生嘅 ^_,^

我是 Hello Kitty 控，新年快樂（！）

新年快樂（！！！！）哈哈哈

新春期間唔駛實習、唔駛補習、唔駛兼職

於是撻皮 fing fing，fing 咗勁耐 :D

我「覺得」大家都可能會掛住我

所以係咁意講吓到底我消失咗去邊啦哈哈

為咗一盡地主之誼

我帶咗摩洛哥同房去行 • 花 • 市！

真係唔好睇少呢項任務呀！

剩係同佢解釋咩係花市都已經難到 hihi

we're going to "flower market"!

but... it's not for flowers yohooooo -_______-

然後我就係咁意話佢知花市其實都有花賣

不過時至今日已經多咗好多其他騎呢商品

於是摩洛哥人同：ohhhhh so what r those funny stuff??

嗯我求祈話佢知有風車賣 -.- -.- -.-

而為免去花市之前都要講太多英文

我同咗兩個 frd 食飯，食完先約我同房哈哈我真係賤

（杭州人啲英文最好，而且又識法文，我靠哂佢翻譯 XD

但佢返咗老家過節 *囗*||||||||）

仲順道去脫一脫個毛迎接新年（！）

 我「自覺」件嘢幾襯我對 roxybb 哈哈哈

 脫之前、期間、脫後，呃即係全程 XD 都會用冰敷住

而張凳剩係暖到我個身，於是我個技師 T 全程不停問我凍唔凍

重點係我話唔怕，佢讚我叻，完。哈哈哈哈

之前唔係佢 serve 我架，好好呀轉咗人

之前嗰個女人勁 cool.. 唔怪得之啦，原來佢上岸唔 do（！）

話說我有個朋友要脫下面啲毛（話哂係我嘅朋友嘛哈哈，係喪啲）

雖然佢話未必脫哂，可以做幾次減少啲

但我覺得有毛不知幾 sexy（！）所以好驚訝

T：唔... 都好多女仔因為衛生問題做嗰個位嘅 :) 我都有整某某個位呀~~

我：佢 • 完 • 全 • 係 • 為 • 咗 • 美 • 觀（！！！！）

T（驚訝）：咁.. 又真係少啲.... @囗@|||||||| <-- 輸鳥

脫完就去泰式食，穩陣之選，係貴咗啲同細份

係以前喺銅鑼灣地帶賣衫嗰陣個老細嘅推介

不過我發覺跌哂 watt /_____\ 

生蝦刺身望落大隻，實則無味

仲夾雜咗三兩隻細細細細隻蝦 .\_/.

不過火車炒飯仍然係我嘅最愛 ♥

 時隔咁耐，已經唔記得仲食過乜嚕~ 哈哈

襯摩洛哥同房未到，我哋仲去咗 forever21 朝聖

多人多到轉個身都轉唔到 XD

其實同 h&m 差唔多，我買咗兩條牛仔褲就算鳥

我哋差唔多行完，摩洛哥同房就到咗 sogo

但係佢唔知嗰度係 sogo 啩，猛話自己喺條龍隔離（！）

我初初以為地鐵站有啲咩展品咁把炮！原來係櫥窗公仔 -____-

跟住我哋就四個一齊去維園喇

嗯，今次係多人多到抖唔到氣！！！！！

我諗摩洛哥人都嚇死了 XDDD

我努力咁翻譯咩係揮春、財神之類（你話我幾慘 T__T）

結局：我個 frd 畀人扒咗個銀包，現金：$20，整過啲卡就成千蚊

由於屋企嘅團年飯早咗一日食

年廿九可以去男神度團年 ♥♥♥

我第一次食盆菜咋（呀媽成日話又貴又唔好食 -_-）

有鮑魚、蠔豉、冬菇一大堆，全部男神媽咪自己整！

之後年初一二都係入西貢同呀爺呀嫲拜年、開年

出發前或返到屋企就玩 sims 哈哈哈哈哈

年初三同男神拍拖一周年，前一晚通宵打機所以無出街哈哈哈

連張卡都係整咗一半未整好
男神之前同我行街，送咗對粉紅色 nike 波鞋畀我
叫我做吓運動唔好變肥蟹 -_______-
（對鞋我自己揀嘅，所以好靚嘻嘻嘻嘻嘻）
而周年慶祝活動就係被逼打泰拳 &;!#)$%>*

同落街買街邊嘢食 sweeeeeet 吓

點知佢唔記得帶錢 -______- 結果即拆佢鄰居封利是....

其餘日子都係玩 sims 煲劇玩 sims 煲劇玩 sims 煲劇

撻皮期間出咗 GPA

see? 朕 GPA 3 呀 ^____,^

因為 sem 1 得中醫一科有考試哈哈哈

好多同學都爆 4 XDDDDDD

被打荷包嗰個 frd 話：真係三年一夢 XD

除咗玩 sims 煲劇玩 sims 煲劇玩 sims 煲劇

我呢三日去咗返新工，朝九晚六

負責對卷 :D 爽呀呀呀呀

即係卷就人哋改好，另有專人根據啲分打張 list 出嚟

而我就對吓份卷啲分同張 list 係咪一樣

份工頗悶但朝早有四個字 break、下晝又四個字 break

lunch 扣一個鐘，但可以食一個鐘零三個字

及，有茶水供應

本來做埋今日........ 可惜啲卷對哂喇........

返少咗日 >________< $$$$$$$ 呀

收工之後去 sanrio 買情人節禮物畀自己哈哈

我喺中同 facebook 睇到架

yohooooooooo 係 hello kitty 耳筒 ♥♥♥ 購自 sanrio $199

可以聽歌同接電話，好高科技哦 XD

不過無保養嗰啲的

最搞笑係個說明書全部都係日文，中文嗰張就寫廢話

朕仲有個 hello kitty case，襯到絕呀

 有次同中同 re-u 陪佢買 case，一齊喺街邊買的
好似四五十蚊咁上下

朋友話正版個 hello kitty 係打直，啲五官係小巧啲

但我覺得我呢個大面餅 kitty 仲得意 ♥

Anna Sui Rose Fairy

「魔顏精靈春日彩妝系列」絢麗登場

天啊~~ 點解最近 anna sui 出親咩 product 都咁靚嘅？！

仍然又係因為開學漏咗個化妝袋喺車

所以可以堂堂正正買盒胭脂嘻嘻嘻

總共有六款，令我一見鍾情就係右上 ♥

買嘅時候順便問埋到底左上隻色有咩用（！）原來係打底

不過啲 staff 真係好撻皮，幫我試完色唔出聲都唔抹返

早知講普通話扮自由行哈哈哈

嘩 ♥♥♥ 我嘅寶貝呀旺仔 QQ 糖

朕仲特登用個紫色曲奇盒做背景哈哈

嗚嗚，好卑鄙呀

上次用 lace，今次就用玫瑰俘虜人嘅 T______T

玫瑰~ 玫瑰~ 我 ♥ 你

左邊自己買（$250），跟住問男神 claim 錢，周年禮物嘻嘻嘻

有個朋友嘅男朋友喺外國，佢直情用男友張卡買禮物俾自己（！）

近日佢生日，佢男友話啱啱先寄份生日禮物俾佢

有排都未收到，佢問點解唔早啲寄 .\_/.

佢男友：諗住你自己買俾自己，笑鳥哈哈哈哈哈

右邊係好朋友送嘅，妹妹試用後話好臭哈哈

我就袋咗落袋未嘗佢有幾臭 XD

其實盒胭脂都唔貴，但就無掃跟囉

於是 Anna Sui 同時間推出咗【魔顏精靈頰彩刷】

目的應該是 cap 水 :) 哈哈哈

都好靚呀呀呀呀，可以伸縮方便攜帶

擰出啲可以做埋 shading，轉少啲就胭脂掃

但 $265 支唔捨得買，加上已有一 set 掃喇 -_-

（雖然有一秒畀兩用呢個 concept 打動過 XD）

原來可以伸縮嘅化妝掃好多都做到所謂嘅兩個效果

於是我去 SASA 買咗個 made in Japan $35 嘅掃哈哈

外形當然無咁靚啦

 不過一樣伸縮自如 ^_,^ 短小精悍

 --------------------------------------------------------------------------------------------

遲啲新年流流，我梗係識 DO 啦咩事先 XD

已經迅速叫媽咪整咗兩底蘿蔔糕

一底（靚啲嘅 XD）畀男神，一底畀班同屋主

我：你食唔食蘿蔔糕呀

男神：我都食格~~

我：你唔係鍾意食街邊粉到死嗰啲 cheap 嘢咩

男神：唔係呀.. 我鍾意多料呀

我（！）：呀！嗰個唔係你嚟哈哈哈

鍾意食蘿蔔粉嗰個係以前嘅男朋友（！）

大力：&*@?>$%^*

同埋買咗 Isabelle 啲禮盒

咳唔.. 我未食過，但早已被佢啲精美包裝吸引住 XD

成個喼咁好華麗哦，個手柄係堅㗎

左邊嗰罐係買滿 $400 送嘅，內容物：6 塊曲奇 -_-

三層呢盒送俾男神 ♥

咁上面嗰盒？哈哈哈哈哈哈哈哈哈哈哈

男神：買咁多盒做咩？

我（吞吐）：送俾親朋好友囉.........

男神：哦，買俾呀爺呀？

我：er......... 一 一||

男神：糖尿仲食得呢啲？

我：...........其實買俾以前男朋友個媽咪哈哈哈

（我就好坦蕩蕩嘅，但男神話絕對唔想聽我嘅情史

佢話鍾意一個人係想獨佔喎？！！）

然後呢條友自稱自己無嬲（自稱 -_-）

畀我恥笑咗一陣子~~~

 --------------------------------------------------------------------------------------------

之前 Xmas holiday

杭州人同摩洛哥人都返咗老家

（得返長沙人自己一個勁慘 XD）

摩洛哥人買咗盒家鄉啲唔知咩糖返嚟

同埋一人一個 key chain

摩洛哥人：it's... it's for protection~

好得意呀，成隻蓮蓬八爪魚咁

不過唔知掛邊度好 ;)

而杭州人呢... 就負責幫朕淘寶嘻嘻嘻

又，朕之前上咗《淘寶天下》（！）

特登 PS 到朕咁肥 .\_/. 明明得廿二吋腰 ~______~

事緣我諗住推廣吓個 blog

所以平時都會 copy & paste 呢度啲嘢去 yahoo blog

咁啱畀個 editor search 到我，無錢收的，完。

至於點解唔貼落 facebook？

怕醜囉頂！人家有時都會害羞 ////*▽*//////

手術室姑娘

傳說喺手術室實習係做牆紙的

牆紙：即係企喺度，戇居居、生勾勾

嘩好悶啫...... 正呀（！！！！！）

係撻皮友嚮往嘅人間仙境 :D

But this city is dying, you know?

我喺天堂都有嘢做！！！！

都市嘅節奏真係令人窒息，嗚嗚

早上 orientation 輕輕鬆鬆鄧梓峰

食完個 lunch 就去送死鳥...

人生第一次入手術室，個人都未 function 到

姑娘就叫我幫手插機，部機係手術時用嚟切肉嘅（！）

我真係超級無敵淆底呀呀呀！

但其實我只係負責插電線哈哈哈

之後護士長叫我出去收症（！！！）

呀呀呀又係好驚呀（ok 我乜都淆的）

手術室收人個 form 同平時嗰啲唔同

我喺 lab 練習過下點樣填

不過畀護士長𥄫住就.. 好 • 淆 • 呀！

我勁驚對漏啲資料，做得都幾慢 XD

護士長：邊個同你做 orientation 㗎？

我心諗：嗚 >_< 唔關佢事㗎！

好彩做完一次上手咗啲就好咗

跟住見到護士長有滿意的點頭~~ safe~~

結果喺手術室收症嘅數目係成世人嘅十倍

另外姑娘又教我點樣數數（！）

因為想避免漏咗啲 material 喺病人身上

嗯.. 於是我其中一項工作係數綿花哈哈

同埋磅吓啲綿花計 blood loss

個磅識得 deduct 返個容器嘅重量

個人覺得好高科技 XD

跟住幫手開吓 material 同 prepare patient 之外

就無咩野搞，hapi hapi~~~

整個實習就介乎半牆紙之間，嘻嘻

出完手術室之後發覺做手術都無乜嘢

以前以為做手術好大件事

原來醫生隻手好定，好似切肉咁（！）麻醉完，瞓醒就搞掂（！）

而且手術室嘅 team work 做得好好，其實都好難會出事

期間吹水王我仲識咗兩個新朋友，嘻嘻

一個係做咗幾日，同我一樣一舊雲咁嘅 assistant 女仔

一個係做咗十年登記護士，想考返個註冊護士牌嘅護士學生

佢好有毅力呀！一邊返工、一邊喺 OU 讀四年！！！

激發咗我考返個精神科牌！！！！

撻皮朋友：讀四年書唔附近我哋撻皮嘅精神喎

撻皮 me：挨多四年，換撻皮一世，值得㗎！！！！！！