葛量洪醫院點去？

如同《銀魂》一樣，我的學護生涯終歸嗅到了結局篇

 ----------------------------------------------------------------------------------------------------------------------------------------------------

畢業前，我還有長達三個月的實習
分別是：老人科、外科和內科

我的新一站是葛量洪醫院的老人科

-----------------------------------------------------------------------------------------------------------------------------------------------------

有鑑於我差不多每次都去瑪麗醫院實習

所以今次出發前都要上網找找坐甚麼車、路線圖之類的攻略（！）

而去葛量洪醫院最快的方法是先到香港站公共運輸交匯處

（即 IFC 下面那個巴士站）

然後轉新巴 590

此巴真的每十分鐘就有車，而且絕不兜路

基本上十五至二十分鐘便到！

 ----------------------------------------------------------------------------------------------------------------------------------------------------

落車地點是香港仔隧道收費廣場

車站右邊就有一個地標（！）

諷刺著「自由與監獄，只是一橋之差」

通過「奈何橋」，「黃泉路」也就走了一半...

[頭盔] 當然是開玩笑啦，這個花園可是得到甚麼園藝大獎的哦（！！！）

過完橋、再過馬路，就會見到令人充滿夢想與遐想的消防局加救護站！

向著消防局左邊進發，很快就到了這個梯級入口

沿著梯級，就到達葛量洪醫院了 ت

走過千山萬水，終於到達了！
（左邊：宿舍加飯堂；右邊：主座大樓）

我看到那棟四四方方、霸氣十足的雪白大樓
就心想：難道是高級職員宿舍？？！

誰知真的是 *O*

 ----------------------------------------------------------------------------------------------------------------------------------------------------

*** 其實所有能夠到香港仔隧道收費廣場的車都可以搭 ***

只不過 590 勝在車多、路短
除了香港站，在銅鑼灣、金鐘都有車到香港仔隧道

 而銅鑼灣那架直達葛量洪的小巴，是半小時才一班
我想不太適合吧？


 ----------------------------------------------------------------------------------------------------------------------------------------------------

另外，我想介紹一下葛量洪的飯堂

此飯堂實在是電影感十足 —— 《監獄風雲》

昏暗的光線、頭頂老舊的風扇、牛龜電視、簡陋的點餐吧枱加收銀部....

請看圖識字：

我的餐只欠一個橙

我的好友說，在葛量洪吃飯就像做選擇題、永遠只有四揀一
想把餐牌上的菜嚐遍完全是指日可待

不過這裡的食物質素（我覺得）蠻高
「炒嘢」更加是即炒

 ----------------------------------------------------------------------------------------------------------------------------------------------------

平時「追更」的房出奇地光鮮企理（！）

每間房都只有兩張單人床，非常寬敞~~

我每次都睡都能獨佔一間房哦

景觀也不錯 ☺

 ----------------------------------------------------------------------------------------------------------------------------------------------------

其實葛量洪的環境很優美，可以遠眺海洋公園 XD

我們 last day 也留了不少青春照片，哈哈哈

  ----------------------------------------------------------------------------------------------------------------------------------------------------

最後想分享一下小小實習感受

某天去參觀一個「吞嚥檢查」：Video Fluoroscopic Swallowing Study (VFSS)

檢查時，病人需要服食內含 barium 的食物

（barium 是一種顯影劑，可以在 x-ray 下看到）

病人透過進食這些食品，讓言語治療師通過 x-ray 觀察他們的吞嚥情況

例如吞食會不會落錯喉嚨 

而我帶去做檢查的伯伯，平時都好肯食、而且會自己食

他的肺炎一直不好，於是言語治療師就懷疑他進食有問題、「落錯格」

 

檢查期間，治療師讓伯伯的女兒餵他不同濃度的食物

（有四種：由稀水到粥糊） 

因為有些人可能食某種濃度的食物就無問題

怎知伯伯食遍四種濃度的食物都「落錯格」（！！！）

而且落錯了都不會咳！

 結果這個伯伯馬上要插胃喉，亦很大機會餘生都要用胃喉進食

我從來都沒有如此見證過一個肯食的人要長期插胃喉

這種「由無去到有」實在好慘、好可憐、好無奈

當身邊有人離世，我們會安慰：「生命唔在乎 quantity，是在乎 quality」

但現今所謂先進的醫學，只不過硬生生拉長壽命的 quantity 

 life expectancy 愈來愈長，到底何時才到 dignity？

  ----------------------------------------------------------------------------------------------------------------------------------------------------

PS 我已經一早問了父母的意願、身後事想如何處理

反正我是「人死如燈滅派」，家裡也沒甚麼所謂 taboo

記住「無事常相見，珍惜眼前人」啊

放暑假

話說早排去急診室實習

mentor 好肯教我地，又好人到不得了

一直好想好好寫低呢次實習經歷

於是呢.. 又唔知點寫好（！）哈哈哈

再之前又去左沖繩旅行想寫喎

不過未收齊 d 相，嗯，又未寫住喇哈哈

加上呢排煲緊劇：《格林 Grimn》、《童話鎮 Once Upon a Time》同《後宮甄嬛傳》

同埋狂返工 $$$$$$$$$$$$$$$

所以呢度完全係放暑假，哈哈哈哈

從地獄回來了！

我四月 Sem 2 exam：三個 exam ( stat included )

statistics 完全係唔知計咩，我足足計左四五日數

另有兩個 presentation、一個要拍片 + 寫文既 project 同埋一篇 essay

五月無啦啦先考返 sem1 ge 兩科 subjects.............

仲有 OSCA：考六個 skill

於是練 lab 又搞幾日 T_____________T

五月廿一考返上年唔合格 ge pharmacy

但十四號已經開始實習.........................

一邊實習（APAPA：即一日早更一日晏更）一邊溫書

（其實我四月尾已經開始溫呢科，好驚唔合格 T___________T）

最後廿一號考完試就去實習，返 P 更（！）

我覺得我係神！

為左好好溫 pharmacy ，我將 fb、email、weibo 同 blog 嘅 pw 俾妹妹改哂

對於我呢 d 中網毒 ge 人黎講，咁樣同自殺無分別！

我真係覺得自己巧口力口力（！）

所以對於都有玩 sims ge 朋友仔：真係唔好意思呀！咁耐先答你地！ <--- 本文重點
過幾日我會 update 下 sims free play 既進度，有新野呀 :D

今個星期仍然好忙呀（仲 PAPAP 緊架！）返完 A 就補三個習

跟住退宿要執拾細軟（deadline 28 May -_______- ）

但星期日去沖繩，哈哈哈

BB 科 —— 產科冒險之旅 T_T

緊接手術室實習之後，就到婦產科實習

今次去兩個星期，到新年就放假

話說係去一間無去過嘅醫院

於是雖然院方有 orientate 過個環境、路線

但係我哋大部份時間都係蕩失路嘅...

而婦產科除咗話生嗰吓之外

其實係做好多嘅產前、產後檢查

所以我哋大約兩日轉一個地方學嘢

第一站係去做產前檢查

可以見識到唔同類型嘅媽咪同夫婦（！）

有啲人會問好多嘢好緊張，有啲人就檢查完就極速走（！）

呢啲人生百態都幾得意 :D

檢查主要係睇睇產道有無異常、聽吓 BB 心跳

嘻嘻，鄙人有幸摸吓肚~~ 試吓用儀器聽 BB 心跳

話說個儀器放近 BB 背脊就會聽到

我有時明明摸到背脊應該喺左邊，但原來喺右邊 -_________-

我：明明摸到另一邊架喎 >_<

姑娘（取笑）：你又知嗰邊一定係背脊？你估你透視眼咩

然後佢：其實有時都靠彩數嘅 XD

同埋 educate 吓啲媽咪，例如某啲檢查點解要做、點做呀

甚至有無需要進補之類都會講解

第二站就係做上述提到嘅某啲檢查喇

我係去一個專係照聲波檢查嘅門診

咁有好多種嘅 purpose 同做法嘅

有啲照嚟睇吓 BB 身體結構有無問題

有啲就照嚟度 BB 頸皮，睇吓患唐氏嘅機會高唔高

我哋由咩都睇唔到，到揾到 BB 啲頭仔、手腳！

（因為照聲波嘅影像都幾難睇 XD）

而照嗰陣會熄燈嘅，於是有時我會中眼瞓哈哈

第三站係產後（其實都有啲產前 case）

yohoooooooo 終於有得掂吓啲 B 喇

有個 B 房擺滿一堆 B 等沖涼餵奶！
簡直係天堂呀呀呀呀我哋喉住呢度好耐架喇哈哈哈

每次姑娘教我哋嘢，我哋個心都係喺 B 房 ♥♥♥

♥♥ 我第一次湊 B，幫佢亂改咗個名做莫探員嘻嘻 ♥♥

我自稱莫探員係第一得意 B :DDDDD

同學：估唔到啲 BB 咁細個就要畀我哋評頭品足

我（冷血）：呢個世界就係咁殘酷~~~

我媽咪話我 BB 嗰陣眼大大，都好受姑娘歡迎

相反我妹就................. 哈哈哈

不過其實個個 B 都差唔多樣哈哈哈，我只係太鍾意莫探員啫

我幫佢換片啦、沖涼啦、餵奶（餵我啲人奶）

嗚嗚，我哋已經有深厚嘅感情喇 T________T

啲 BB 全部都好可愛，又細細隻咁 cuteeeeeeee  ♥♥♥♥♥

另一日我照顧嗰個叫小鳳b

佢好曳唔肯食奶，一餵佢就「咪」實個嘴！！！

好不容易隊咗個奶樽入去，佢用條脷頂返個奶樽嘴出嚟

我用少少力質返個奶樽嘴入去啦佢啜兩吓扮飲

然後露出一個濁親嘅衰樣（！）

襯我抆返支奶出嚟之際，將頭先個兩啖奶吐返出嚟

完全同我細個一樣！！我同媽咪講嗰陣，佢都笑咗好耐

第四站係手術室，即係產房

帶我哋嘅姑娘係我哋師姐，好溫柔好有趣又好人 lucky~

當我 fing fing 吓嗰陣，有個媽咪生得

於是師姐就拉我入去睇啦

我一啲心想準備都無，而且個媽咪唔係第一胎、生得好快

搞到我睇吓呆咗，當時真係好震撼（！）

師姐喺旁邊講書，我 keep 住 *囗* <---

一句都聽唔入耳，嚇到好驚

尤其是 BB 個頭出咗少少，見到佢啲頭髮

跟住個頭仔出吓入吓唔係好出到

然後突然一出到成個頭，啲胎水連個 B 一嘢爆發出嚟！！！

一床都係水 + 血 >囗<！！

之後仲要整埋個胎盤出嚟...... 個胎盤就係血淋淋一灘嘢咁

最後仲要睇住姑娘幫媽媽下面聯針.. 嗚嗚嚇親我喇

第二日就有機會睇人哋開刀

嗯，一 • 樣 • 咁 • 恐 • 怖！媽呀 >________<"

 醫生用手術刀切開個肚，仲要用手擘大啲 T__________T

之後就直接攞個 B 出嚟 >囗<！！

通常開刀個 B 都未足月之類，成身都係胎脂黃甘甘 T___T
跟住又係睇聯針嗚嗚......
除咗睇人生仔，我哋仲有得學點樣檢查個胎盤
嗯，就係嗰灘血淋淋嘢........................

而捐臍帶血，就係姑娘喺胎盤連埋嘅嗰條臍帶度抽血

係生完之後，姑娘處理嘅

所以係唔會拖長生仔嘅時間，亦唔會痛，更加唔會影響到個 BB

生完之後，個胎盤只係醫療廢物，紀錄好就會棄置

如果媽咪同意捐臍帶血，姑娘先會喺臍帶度抽血

啲血先有用，而唔係捐個胎盤嚟食（！）

臍帶血係含有好多血幹細胞，係負責造血嘅

可以用嚟醫治患有血病嘅兒童，例如血癌、白血病之類

點解主要係兒童呢？因為臍帶其實話長唔長，只能夠抽到好少血

血量少，骨幹細胞同樣唔會多得去邊

小朋友需要嘅量比較少啲，所以主打係畀佢哋

講咁多係希望大家多啲認識，第時有機會都可以捐臍帶血

你一個小小決定，唔痕唔癢唔痛

可能就救返一個小朋友，令到人哋一家重生

當然，你會問點解唔儲起佢幫自己個 B 傍身

但係私家抽臍帶血大約要萬幾蚊，每年再畀千幾蚊儲

（要儲到十幾年不等，唔通儲兩三年玩吓咩 -_-）

而且自己嘅 BB 唔係患有呢啲咁重型嘅病，根本無用（！）

最後一站都係產後病房，不過通常住順產媽咪

即係話佢哋會自己湊 B T_______T

我哋主要係去產房收啲啱啱生完嘅媽咪過嚟、檢查吓啲新生嬰兒

嗚嗚，好想玩 B ♥♥♥

後記：雖然好驚，但我都會生嘅 ^_,^

手術室姑娘

傳說喺手術室實習係做牆紙的

牆紙：即係企喺度，戇居居、生勾勾

嘩好悶啫...... 正呀（！！！！！）

係撻皮友嚮往嘅人間仙境 :D

But this city is dying, you know?

我喺天堂都有嘢做！！！！

都市嘅節奏真係令人窒息，嗚嗚

早上 orientation 輕輕鬆鬆鄧梓峰

食完個 lunch 就去送死鳥...

人生第一次入手術室，個人都未 function 到

姑娘就叫我幫手插機，部機係手術時用嚟切肉嘅（！）

我真係超級無敵淆底呀呀呀！

但其實我只係負責插電線哈哈哈

之後護士長叫我出去收症（！！！）

呀呀呀又係好驚呀（ok 我乜都淆的）

手術室收人個 form 同平時嗰啲唔同

我喺 lab 練習過下點樣填

不過畀護士長𥄫住就.. 好 • 淆 • 呀！

我勁驚對漏啲資料，做得都幾慢 XD

護士長：邊個同你做 orientation 㗎？

我心諗：嗚 >_< 唔關佢事㗎！

好彩做完一次上手咗啲就好咗

跟住見到護士長有滿意的點頭~~ safe~~

結果喺手術室收症嘅數目係成世人嘅十倍

另外姑娘又教我點樣數數（！）

因為想避免漏咗啲 material 喺病人身上

嗯.. 於是我其中一項工作係數綿花哈哈

同埋磅吓啲綿花計 blood loss

個磅識得 deduct 返個容器嘅重量

個人覺得好高科技 XD

跟住幫手開吓 material 同 prepare patient 之外

就無咩野搞，hapi hapi~~~

整個實習就介乎半牆紙之間，嘻嘻

出完手術室之後發覺做手術都無乜嘢

以前以為做手術好大件事

原來醫生隻手好定，好似切肉咁（！）麻醉完，瞓醒就搞掂（！）

而且手術室嘅 team work 做得好好，其實都好難會出事

期間吹水王我仲識咗兩個新朋友，嘻嘻

一個係做咗幾日，同我一樣一舊雲咁嘅 assistant 女仔

一個係做咗十年登記護士，想考返個註冊護士牌嘅護士學生

佢好有毅力呀！一邊返工、一邊喺 OU 讀四年！！！

激發咗我考返個精神科牌！！！！

撻皮朋友：讀四年書唔附近我哋撻皮嘅精神喎

撻皮 me：挨多四年，換撻皮一世，值得㗎！！！！！！

精神病房

廣東話有句俗語：你青山出嚟㗎？

青山，即青山醫院 -- 香港唯一一間精神科醫院

意指鬧人黐線、發神經

連杭州都有類似嘅俗語

不過嗰間就叫第七人民醫院

呢個十二月有幸去精神科實習兩個星期

不過就唔係青山醫院

而係瑪麗醫院嘅精神病房

喺呢度有機會真正了解到精神病病人

我覺得同一般病房嘅 setting、做法都好唔同

真係大開眼界 >_<

大家睇新聞都知病房姑娘一個對十幾個病人㗎啦

老實講做完 care 好難同個病人傾好耐

但係 mental patient 嘅 physical need 少啲

反而係 mental need 多少少（當然都要配合藥物啦）

治療方面，主要係靠藥物同輔導

原來再嚴重啲個案，係有手術可以做（！）

我諗平時啲電影成日電啲精神病人

就係源於呢項手術 -- 電療法

當然啦，醫生要試過其他醫治都唔得先、

以及有各種同意書先會做電療

個手術室只係用嚟呢個手術

所以規模比較細、好迷你 ^_,^

病房個 setting 叫做 warm 啲（！）

有個飯廳俾人睇電視、打電話、食飯

仲有個偏廳有啲梳化、枱凳可以攤抖睇書

本時啲病房都係喺床度食㗎咋（！）

但都有電視嘅、係無廳囉

精神病房間唔中仲有啲活動玩㗎！

有時會帶佢哋去廳做早操

隻早操碟舊到不行，把聲同音樂都好老

（老女人聲）：頭 • 側 • 向 • 左，望 • 前

一路做、一路爆笑！

另外仲會圍圈圈一齊讀報紙

大家都好有文化咁揀啲港聞嚟讀（！）

下晝有時會玩大富翁，等佢哋傾吓偈

或者請人返嚟做啲講座（應該幾悶XD）

我見個活動 list 連麻雀都有得打（！）

我同 partner 就搞咗個填色活動

其實好難諗㗎，太難嗰啲有啲院友玩唔到

太簡單又好低 b（！）

於是我用萬能嘅小畫家畫咗啲聖誕公仔 + 裝飾

跟住剪好哂出嚟

等佢哋除咗填顏色仲可以玩吓 mix & match -_____-

（自豪）都有成十四個院友 join 㗎！（total 有 22 個院友）

最最最得意就係有個廣播系統

可以嗌咪叫佢哋出嚟食藥、或者 gather 食飯

我 partner 俯視耽耽咗嗌咪呢項神聖嘅工作勁耐！

我哋終於喺最後兩日嗌咗幾次咪 XDDDD

感覺好害羞耶 >//////////<

另外我哋嘅任務有「數人仔」

好得意㗎！得閒就要數數人數

如果有啲院友行緊，姑娘會叫佢哋定格先！

咁佢哋就真係唔郁、係成個人定哂唔郁喎！

同埋每朝 check 櫃仔，驚佢哋收埋啲藥呀之類

不過最最最主要嘅工作係同啲院友傾偈（！）

了解吓佢哋個病，睇吓啲症狀咁

所以今次都算輕鬆哈哈哈

可惜要追更 orz....

A 更：0740 - 1530

P 更：1330 - 2230

第一個星期出 APAPA

第二個星期就 PAPAP

PA 其實時間會過得好快，瞓醒又實習

一嘢實兩日習（！）

不過真係瞓得嗰四五個鐘 /____\

但一到 AP 就爽皮喇~~ 可以補習、去街、拍拖 ♥

xmas 之後到一月三號又要實習 T_______T

下次去做手術室姑娘 ^_,^

婚姻係實習嘅開端

呀我又消失咗喇

因為今個星期去咗精神病房實習

實習前一晚去咗飲

萬般不願意但要陪我媽咪

我係男家嗰邊嘅，不過好似未見過新郎哥喎 :)

初次見面... nice to meet you!

媽咪話新郎係我個侄... Thx

飲宴假海逸酒店舉辦

於是媽咪話要「著靚啲」（！）

由於同新郎哥新娘子比較生疏

（其實係唔識佢哋！！！）

我同媽咪自己喺周圍自拍一番！

我（體貼）：費時人哋哂錢曬相俾我哋啦

 媽咪果然無點我！場地佈置得好 fancy

好彩無頹著 XD

我真係夠膽死著撻皮 tee（皺嘅）短牛仔褲加人仔拖

由 HKU 出又一城拍拖 ^_,^ （同以前嗰個，所以佢變心係啱嘅，認真）

發現冰雕！！！！！

真㗎！會滴水㗎！

Sorry 我鄉下出嚟的

不斷留倩影 XD 仲拉埋媽咪表弟影

入席見到都係夢幻公主風，好靚哦~~~~

（其實台上一直有樂師演奏，條友同我堂哥一樣樣！

分別：樂師戴咗頂爆炸頭假髮咁款，但... 其實可能係真髮！）

坐主家席........旁邊XD

而唯一男丁堂哥嘅堂哥陪呀嫲坐主家席，應該 OK 悶

又，呀嫲幫我帶咗呀爺親筆提字嘅利是封（！）

 別具收藏價值 ^_____,^

入席嗰陣已經好餓

我已經 get ready!!!!!!!!!!!!!!!!!!!!!!!!!!!!

點知主人家喺現場做埋註冊手續（！！！）

過程都好感人㗎！

不過我真係好肚餓.... {#%*¥\^!#

好內咎呀 >_< 人哋咁 sweet... 我個心就好想食嘢！

之後..... 當然又係一對新人嘅生老歷程童年照

呃好娘，即係人哋做我覺得無所謂，又係唔我結婚！

但係如果對我結婚，我想破格啲呀 >_<

例如撻皮乜都唔搞 XD 旅行呢啲浪子嘢就啱我喇

跟住我媽即刻好緊張咁話大有大搞、細有細搞

我（打開心窗）：你係咪好驚我唔擺酒先？

佢（！）：係呀！（！！！！！）

佢話想威吓喎 #^$& %*¥\ @#

唉咁我擺酒就玩裸奔啦，型 ^_,^

btw 我同男神講，結婚相想整返個 Alice-themed

佢話是但囉

我（開心）：咁我做 alice，你就扮兔仔啦

佢（#/*@&#$^）：痴線！唔 • 影 • 呀！！！

佢話係都要影就搵過第個結婚呀，嗚嗚

萬水千山等開餐

韜韜 mode：呀囡呀囡，今日帶你食啲好嘢！

呢味福祿彩虹蝦仁就犀厲喇......... 不贅 -.-

勁少嘢食 T_______T 

第三味甜蜜花枝球（第一碟係乳豬，太餓！無影相！XD）

 圖片為真實面貌，絕無惡搞（！） T__________T

 銀湖伴鴛鴦.... 唉唔想講喇

已經同媽咪盤算緊食乜宵夜（？！）

紅燒竹笙雞絲燴生翅

我對食唔食翅無乜所謂，不過此刻想整碗飯（！）

 翡翠蠔皇鮮鮑片

 我一晚食咗一個月嘅菜量 XD

青斑同雞肉 sasimi

同埋炒飯伊麵

最後有個百年皆好合 ：

 最好食係呢樣 XD

---------------------------------------------------------------------------------------------

去完飲第二朝就實習（！！！！！）

A 更：6:40am - 3:30pm

P 更：1:30pm - 10:30pm

我兩個星期嘅更期反別為 APAPA 同 PAPAP（！）

放星期六日

今次去瑪麗醫院女精神病房實習

其實就少咗做 routine，例如換片插喉之類

主要想我哋試吓同 mental 病人溝通吓

認識吓呢個專科

so far 呢個星期都適應到

慢慢都記到佢哋啲名，亦 r 講到 XD

不過今個星期我想試吓可唔可以 educate 到啲 patient！

嚟近亦會整個活動畀佢哋參與 :D

覺唔覺得我搏盡咗？

我發現呢度好啱我做呀！！！！

呀我好想考個 mental 牌呀！！！

可惜朋友話 part time mental cut 咗無得讀！