實不相暪，我其實都幾鍾意歷史
細個曾經諗過做返個考古學家
不過諗諗下如果成世都發掘唔到啲咩咪好慘？
於是就打消咗呢個念頭嚕
嗯.... 好一個典型嘅香港學生呀下 XD
---------------------------------------------------------------------------------------------
上星期三
朕就同咗爹哋媽咪去香港歷史博物館睇兵馬俑展覽：
票價十蚊，大小同價（即：無學生優惠）
初初開展嗰時，新屎坑三日香（！）好多人去睇
要先去城市電腦售票網買定飛
不過而家即場去到先買都 OK
當然啦，星期六日去都係買定先安全啲！
又，香港歷史博物館係喺科學館隔離
喺太空館隔離嘅係香港文化中心
而我，次次都搞錯科學館同太空館 orz....
---------------------------------------------------------------------------------------------
當日我萬水千山由太空館走去科學館 T___T
歷時一萬年終於去到歷史博物館
博物館外牆掛咗一大幅兵馬俑展覽 poster
場外仲有幾隻 Q 版兵馬俑
張相係喺官網搵嘅
因為我哋去到已經嗱嗱聲狗衝入場喇，哈哈
---------------------------------------------------------------------------------------------
講真，我覺得個展覽唔係好多隻兵馬俑
不過佢用咗好多多媒體去 present，都幾互動同有趣
連指示牌都「秦格式化」:D
一去到可以去「影相區」影張相
然後你就可以喺「兵俑工坊」將你張相投射喺個假兵馬俑度~~~
初初我都唔知，以為係無聊昆你買紀念相嗰啲 XD
所以入場前無去影到 T___T
所以入場前無去影到 T___T
---------------------------------------------------------------------------------------------
入到場，一嚟就係「發現地下王國」
地下有啲腳印，企上去、牆上個 screen 就會見到你自己架喇
有三個 screen 嘅，分別有：秦兵馬軍團、御官俑（拉頭馬嘅 XD）同 fing fing 仙鶴
其實少許無聊（以下就係 fing fing 仙鶴喇）
不過我爹哋媽咪都會為呢啲低科技興奮（！）
嗯..... 好 fing 啊
---------------------------------------------------------------------------------------------
行過少少有個「軍人本色」
呀... 呢個係一個咩霸氣嘅名呀..... =_=||||
有啲高科技會投射落三尊秦兵俑模型度
重現返啲秦兵俑出土時嘅顏色云云
效果唔太明顯.. 無咩特別....
---------------------------------------------------------------------------------------------
我反而幾鍾意呢個「地下兵團的秘密」
牆上有兩個 screen 播放一啲兵馬俑小知識
我記得有其中一個係話啲兵馬俑差唔到個個都米八高
全部高登仔黎 XDDDDD
---------------------------------------------------------------------------------------------
假裝喺陝西留倩影 XDDD
呢款 belt 超 creative！♥♥♥
仲有整「陶馬」，連馬身上個窿都有整！
個窿有用架（！）
表現唔好要打架 (,,ﾟДﾟ)
同埋我大鄉里出城，唔知道燒肉店可以燒到咁刁鑽
呢個塩味牛油帶子 ($39) 好有 cooking mama feel :D
抹茶味雪糕銅鑼燒 ($19) 呢個真係十個「趣」呀！！！
而「秦人與馬」就好似 ETV 咁播教育電視（！）
短片講述秦人同馬之間可歌可泣嘅愛情 ♥
以及佢哋點樣喺馬背上得天下！巧威威唷
---------------------------------------------------------------------------------------------
跟住就係多媒體展示區嘅高潮：「飛越秦始皇陵」！！！
有個 U 字形特大熒幕（即前、後 + 地下都有熒幕）
重現初初發堀到兵馬俑坑嘅情形（因為啲村民堀井）
以及模擬二千年前打造兵馬俑坑嘅過程，真係好似置身其中咁！
假裝喺陝西留倩影 XDDD
✿✿✿ 我前前後後喺度睇咗三次都仲覺得好震撼好正！✿✿✿
---------------------------------------------------------------------------------------------
可以幫兵馬俑公仔嘅衫褲鞋襪換色
出咗去就係一開頭講嗰個「兵俑工坊」
都幾啱小朋友玩，所以朕無玩 ^_,^ （霸氣~~）
---------------------------------------------------------------------------------------------
之後就到真嘅展品區喇 ☺
期間遇到個導賞叔叔，我爹哋媽咪就跟咗佢走（！）（黃衫者）
佢都帶領著好多聽眾，哈哈哈
---------------------------------------------------------------------------------------------
---------------------------------------------------------------------------------------------
---------------------------------------------------------------------------------------------
傳說斑鳩係不噎之鳥，食嘢係唔會啃親
簡介話有「20 件非看不可的展品」
不過我就隨意睇啲我覺得得意嘅~~~
---------------------------------------------------------------------------------------------
原來佢係蟾蜍，真係蛙嚟 :D
蛙類好生養，蛙紋係寓意子孫繁盛（！）
呢幾個似太陽 ☀ 走抽象風
由寫實圖象 → 抽象圖象
係反映秦人由畜牧生活 → 農業生活
估唔到一個瓦當都包含咁多意思 *O*
左邊嗰塊係用嚟整地板架，好似一塊餅 >__<
呢個好似狗屋嘅係水管！
五角形可以承受大啲嘅壓力
仲可以併埋幾條水管做雙排、三排等等增加排水量
證明當時嘅排水量好大，人口好鼎盛呀下！
傳說斑鳩係不噎之鳥，食嘢係唔會啃親
於是整呢啲鳩仗祝願啲長者食得健康、飲得招積（！）
所以鳩仗係敬老之物，而且得到皇帝賜贈鳩仗係光榮嚟架
---------------------------------------------------------------------------------------------
佢係用嚟薰香架，即係好似香薰爐咁
秦人好有生活態度呀 >___<
---------------------------------------------------------------------------------------------
---------------------------------------------------------------------------------------------
---------------------------------------------------------------------------------------------
後來出門公幹旅遊都要有身份憑證都有得投棧
---------------------------------------------------------------------------------------------
首先見到兩件石鎧甲同冑（頭盔）
逐塊逐塊甲片用青銅扁條聯埋，著上身靈活度高啲
所以甲片愈精細愈密集愈高級
佢「丁」字腳成個 model 咁，個樣又得得戚戚，好盞鬼！
不過立射俑身穿輕便衣束，係無鎧甲著嘅「便衣」T__T
跪射俑就就用豪裝裝身，連個鞋底都有整到！
呢個薰爐我遠看以為係芭蕾舞舞者（！）
秦人好有生活態度呀 >___<
---------------------------------------------------------------------------------------------
一統之前嘅七國貨幣，果然係七國咁亂呀！
左右嘅刀幣：睇佢成把刀咁，真係由刀類工具演變出嚟 XD
上面三個係布幣：係由鏟形農具演變出嚟
中間圓碌碌嘅係圓錢：由紡織工具個紡輪演變
啲錢幣好得意，全部都係「象形」錢幣哈哈哈
（有興趣可以點擊蟻鼻錢條 link，有更詳細嘅古代貨幣講解！）
後來秦始皇統一咗七國貨幣
「抄考」咗圓錢嘅 design，設計咗下圖嘅半兩錢
圓錢係：圓形 + 圓窿
半兩錢就：圓形 + 方形窿
半兩錢外圓內方嘅造型，象徵住「天圓地方」
小小一個錢幣都咁「有你有我有情有天有海有地~~ ♪」
代表咗秦始皇騎住天下，擁有至高無上嘅皇權
亦因為呢個 look，有啲文人懶 frd 咁稱啲錢做「孔方兄」
而呢個黃金米老鼠就勁秋喇
佢其實係老虎嚟（！！！！）
個虎符係黃製成，所以叫金虎符
古時啲人覺得老虎好威猛、而且個殼又靚，於是好崇拜老虎
而虎符就係用嚟調兵遣將嘅虎形兵符
虎符會一分為二，將領同朝延一人半隻
當虎符二合為一就可以呼風喚雨！
---------------------------------------------------------------------------------------------
講起虎符呢個調兵憑證，導賞先生就分享咗「作法自斃」嘅成語故事
話說商鞅為咗鞏固法治，炮製咗個「什伍連坐法」
「什伍制」：十家為什、五家為伍，另有什長、伍長 mon 住啲人
「連坐法」：十家人係一個單位，其中一家犯事，如果其餘九家唔告發佢就一齊罰
令到鄰里之間互相監察同篤背脊
後來出門公幹旅遊都要有身份憑證都有得投棧
一個唔該收留咗個犯咗罪嘅客，連個店主都要上身（！）
結果商鞅後來逃亡，想搵個客棧投宿都無
佢返去自己地頭商邑，無幾耐就比新皇帝俘虜、五馬分屍嚕
---------------------------------------------------------------------------------------------
我爹哋呢個盲毛睇到黐住個展板喇.....
---------------------------------------------------------------------------------------------
終於去到睇兵馬俑嗰 part 喇（！！！）
首先見到兩件石鎧甲同冑（頭盔）
逐塊逐塊甲片用青銅扁條聯埋，著上身靈活度高啲
所以甲片愈精細愈密集愈高級
---------------------------------------------------------------------------------------------
第一個登場嘅係立射俑（個名有點兒那個 XD）
立射俑同跪射俑係 frd 嚟，一齊組成弓弩兵陣
跪射俑就就用豪裝裝身，連個鞋底都有整到！
---------------------------------------------------------------------------------------------
迄今發現最早嘅騎馬俑，十足十玩具！
無馬鞍，但係有鼻窿（！）
---------------------------------------------------------------------------------------------
hey yo 緊嘅捕魚俑
連左邊嗰個馬嘅陶棺都大隻佢 >___<
hey yo 緊嘅捕魚俑
有學者認為佢係演奏樂曲嚟馴服啲動物
有啲就認為佢其實係補獵緊
我就覺得佢係 hip-hop 友喇 ^__,^
Hey! Check It Out! ♬♪
hip-hop 友隔離就有啲天鵝呀、仙鶴呀、鳧鴈（鴨 & 鵝）呀
---------------------------------------------------------------------------------------------
講起動物，仲有個管理馬廄同戰馬嘅圉人俑
由於佢身份低微，所以超細隻連左邊嗰個馬嘅陶棺都大隻佢 >___<
---------------------------------------------------------------------------------------------
甩皮甩骨嘅百戲俑
百戲通常低啲武術表演，所以百戲俑大隻得多 *O*
---------------------------------------------------------------------------------------------
不過文官俑都好高大！
佢嘅架生：礪石同環首銅刀
礪石：以前無有紙張嗰時，要用礪石刻字
環首刀：好似擦膠咁，刮走錯字
---------------------------------------------------------------------------------------------
而鋪天蓋地嘅海報上印嘅就係戰車俑
馬夫就係御手俑
今次展出嘅只係 1:1 嘅仿製品
而且外面係圓形玻璃，好難影到
旁邊又係有啲高科技互動教學
有得 click 啲講解出嚟
呢款 belt 超 creative！♥♥♥
---------------------------------------------------------------------------------------------
最後係「兵馬俑製作場景模型」
成個殺人現場咁，哈哈哈
仲有整「陶馬」，連馬身上個窿都有整！
個窿有用架（！）
表現唔好要打架 (,,ﾟДﾟ)
---------------------------------------------------------------------------------------------
基本上個展覽都算好睇，資料又好充足
自己行都無問題
不過我發覺上年紀嘅人就比較鍾意有人講解
有長輩同行可以 join 導賞團
或者試下錄音導賞服務，借個耳機自助遊
---------------------------------------------------------------------------------------------
後記：
之前我媽咪星期二休息，但博物館逢星期二休館
結果我哋去咗賞兵馬俑花燈望梅止渴（！）
（有咁想睇嗎？？！！！ XDD）
之後去咗食牛角，都幾好食！係貴咗少少囉.... XD
啲肉係咪高檔啲，我嘴殘唔識分，哈哈
牛角沙律 ($49) 好 fresh 又好大兜
呢個塩味牛油帶子 ($39) 好有 cooking mama feel :D
抹茶味雪糕銅鑼燒 ($19) 呢個真係十個「趣」呀！！！
食完行咗陣海港城，原來 LCX 十周年
重點係又有 Level One 最憎嘅印仔玩 XDDDDD
沒有留言:
發佈留言