今年我男朋友嘅生日好接近中秋
（天啊... 由中秋節拖到而家都未寫，哈哈哈）
於是我一直諗住今次張生日卡要同中秋有啲「啦能」
我希望有種「人月兩團圓」嘅感受，好難諗呀呀呀
所以拖到佢生日前一晚先整（！！！）哈哈
我張生日卡其實唔係卡嚟（！）
佢係一副 puzzle
係我妹妹喺台灣買定以便不時之需 = =+
呀，你姐姐而家就好「需」喇 ☺
我個同事話無印都有
仲特登 send 下面張相俾我...
不過我嗰張係搭過飛機 + 充滿我同妹妹嘅姐妹情架 ミ ﾟДﾟ彡
** puzzle card 溫馨提示：
1) 寫上祝福字句
2) 打散副 puzzle 入落信封
3) 等收信人拼返你嘅祝福字句
嘩.... hea 到呢
連我都覺得 hea 咁就真係好 hea XD
朕才華橫溢，係時候露 • 一 • 手 • 喇！
召：文 • 房 • 四 • 寶寶寶寶寶.....！
（OK，為免有真心膠、真正嘅文房四寶為：紙筆墨硯）
一攞返呢堆嘢出嚟，真係好多回憶返返嚟！
想當年，有間叫莊啟程預科書院嘅預科書院
嗰時真係得預科（即中六、中七）讀
所以係無美術室嘅
而我，係 Art Club Chairlady（！！！）
哈哈哈，我同神無乜分別
其實莊啟程而家都仲喺度，淨係做 334 新學制嘅中四至中六
不過喺我心目中硬係覺得唔再係預科書院嚕
廢話少講，總之我就諗住用廣告彩嚟畫啦
我細個都係得一盒 cheap 雞六色廣告彩
支白色 bb 最快無哂，因為只能夠靠佢溝色嗚嗚
呢盒「豪華壽司盛」十二色廣告係我細妹嘅 /___\
條友想當年預科修 art 買落嘅
我同佢講讀 art 對大學揀科唔計分（我係現實喱）
加上 art 要駛錢買好多用具（我係市儈喱）
而且唔好諗住 art 係畫下公仔可以 hea，創作先用得多時間
（仲要未必有成果... orz）
揀咗就要正正經經做好個 portfolio （我係認真喱）
以上嘅說話，我諗返起都覺得唔係我講嘅 XD
不過對住我細妹，有時我就會變呀媽 mode 哈哈哈
重點：條友間唔中會呻啲 project time-consuming
同埋佢 D 咗呢科 XDDDDDDD 完。
又，呢種後期出現嘅調色盤可以裝多啲水
而且多啲格倒顏色
但我都係鍾意花花碟多啲 ✿✿
因為靚 (´∀') ♥
*** 最緊要緊係記得舖報紙啦，唉我 level one 上身添 ***
我一心希望個圖有 love love ♥♥ + full moon
上網 search 咗好耐都無靈感
後來靈機一觸就諗到月餅切開咗好似一楷心（！）
yay 就畫咗月餅心心 ♥ 仲食咗個 cupcake 字架
不過文盲男神應該 get 唔到架喇 -______-
♥♥♥♥♥
之後就慘喇，要打散我嘅心血結晶 >____<
我仲貼咗啱啱好 5.20 kcs 郵票貼紙 >__<
（當然文盲都係唔會留意我嘅心意啦~~~~ 嗚呀~~~）
為咗 kcs 呢個單位，我真係努力 search 過係咩貨幣
（呢個已經同捷克分離、叫斯洛伐克嘅國家我真係完全唔識 *O*）
而家捷克就用克朗（Czech Koruna），斯洛伐克就直情加入咗歐元大家庭
嗯~~~ 我有時都幾好學（！）
---------------------------------------------------------------------------------------------
我男朋友用咗 10+ 分鐘先砌好個 puzzle
好笨啊 :)
另外今年嘅中秋亦係所謂嘅「國慶」
有三十九名市民參加坐船出海欣賞煙花
途中遇到海難喪生
好行，但係都要講：珍惜眼前人、一家人要和和氣氣
rip
也哀悼香港
沒有留言:
發佈留言