想當年巴打向西村上春樹開咗個甜故 post：[史詩式叫雞報告] - 東莞的森林
嗰時我一路追到幾個 1001
自此之後，我亦開始喺講故台追故睇
有機會再分享其他巴打嘅故啦
後來喺書展都有買埋佢本書
由於佢啲抽水文拍得住陶傑
唔少人一度猜測佢係陶傑分身（！）
我嗰陣睇到本書個序係陶傑寫，真係笑到 hihi！
基於我唔係因為佢 hit 咗先開始睇
唔係話忠唔忠實 fans
但唔想見到個故改到不似人形、借高登個名嚟 cap 水..
於是我不嬲無打算去睇《一路向西》
驚係掛羊頭賣狗肉之作
點知之後我個巴打同事話想一齊去睇
咁.... 咪去囉，哈哈哈（！）
至於點解我會多咗個巴打同事呢
就係因為我有份新工
其實都返到唔新喇，不過初初做得唔開心費時寫
於是前幾日我就同巴打s （有兩個巴打同事哈哈）去朝聖喇！
出乎意料地，成齣戲由頭笑到落尾
同垃_圾《低俗喜劇》* 比簡直無得輸
故事都好忠於原著，而且好很甜哈哈哈
我另一毒撚朋友話睇到小思嗰 part 扯扯地（！）
後來好感動又軟返（！！！！！）
另外加插嘅情節都係取材自向西村上春樹或高登其他故
都係好抵笑啜核，起碼唔係《低》嗰啲陳年老 gag #&;%$^
本人同其他巴打就覺得好好睇
唔知無上開高登會唔會都鍾意喇
後記：不過向西村上春樹自稱小思係佢寫呢個故嘅契機
電影版好似無文字版個感覺咁情深（！）
------------------------------------------------------------------------------------------------------------
*以下係我睇完垃_圾《低俗喜劇》喺 Facebook 打嘅 status
得到幾十個 like 同 comments
沒有留言:
發佈留言