呀，係時候強戰回歸喇！
哈哈哈 :D 今個暑假去咗沖繩、韶關（？）同澳門
順住次序寫咗沖繩先 ♥
---------------------------------------------------------------------------------------------
前言
其實我係三個月前去沖繩嘅（！）即係六月份嗰陣
至於點解揀沖繩呢.... 唔係因為嗰套咩《戀戀沖繩》（根本無睇過）
而係我成日對沖繩有個 ♥ 食住海鹽雪糕踩單車 ♥ 嘅浪漫畫面
再本住男朋友跛咗同唔到我踩單車嘅念頭（？！）
於是就同埋幾個莊啟程預科同學去，哈哈哈
唔知點解無論係同中學同學定大學同學去旅行都好
我 suggest 親啲地點大家都肯去、都去得成 XD
雖然啲人話去沖繩最好自駕遊（聽講沖繩交通不便）
但由於大家都好隨意咁俾我老點
所以我哋根本無人有國際牌（！）要跟團哈哈哈
我哋個團就巴閉喇，總共得十 • 一 • 個 • 團 • 友！
（而我哋就佔咗十一分之五！是咪好霸氣先）
當時我哋心諗：帶得呢啲無乜肉食嘅團，個導遊都唔慌好嘢（！）
點知真係一語成慚................. orz
以下就叫導遊做 Level One，喺稍後情節再解釋返個名嘅由來
---------------------------------------------------------------------------------------------
1/5
話就話玩五日四夜
不過我哋坐中午嘅航機，去到都差唔多傍晚 -_-|||
（香港直飛沖繩嘅航程需時約二個半鐘）
我哋一到埗就去咗香港人至愛嘅 outlet 先啦
呢個 Outlet Mall ASHIBINAA 都有啲大牌子如 Gucci
不過價錢唔係真係好平、啲款又舊
感覺好似圍住呢間 adidas 轉一個圈就行完（！）
話雖如此，朕都係咁意買咗啲嘢哈哈
呀但凡購物都有精美小禮物 (ｕ_ｕ*)
好鍾意呢啲 19 嘢，好期待哈哈哈
以下係我嘅戰利品
♪ 黃色 GAP BB 衫 ($60)
買畀 bra 舖同事個小 B，我嗰時 part time 係做朗豪坊店
OK 去到舖頭畀手信先發現對面街開咗成楝 GAP，樓高三層！
不過我買平好多 (,,TДT) 嗚嗚
♪ BEAMS 骷髏頭耳環 ($90)
♪ AS KNOW AS 黑色喱士吊帶衫 ($200)
我不嬲好鍾意蕾絲嘅任何物品
於是自覺我件衫 decent & elegant（！）
點知我班朋友話成件鹹濕衫咁
仲將佢當做「輸咗要著住佢扮蜘蛛俠」
嘅懲罰
嗚嗚嗚
♪ LeSportsac 靚靚人仔萬用袋
呃.... 純粹係想買個化妝袋
見個款又 cute cute
（個 Cath Kidston 套係英國手信）
另外我朋友買咗三件 $50@
嘅 Lowrys Farm 衫
（其時我去咗痴尿！Shit！）
（左面嗰三件）
呀呀呀，點解我見唔到嘅？？水手風好可愛呀 >_<
精美小禮物揭盅喇！
-----------------------------------------晚餐部分分界線------------------------------------
唔計飛機餐，第一餐已經係晚飯（！）
係時候輕輕介紹一下導遊先生
我咁詳盡形容 Level One
言歸正傳，去返餐飯先
sha（低音）bu（高音）
呃... 我就覺得酸到 hihi 喇 -____-
都係芝麻醬好味啲
--------------------------------------第二餐晚餐分界線 ------------------------------------
我有兩個大食朋友唔夠飽（！）
--------------------------------------------------------------------------------------------
我同其餘兩人就食唔落拉麵喇
於是問 Level One 附近有無嘢行啦
Level One 講到方圓千里無街行
仲有間 UNIQLO 添呀（粉紅圈圈）
我哋喺 Mister Donut 買減價 Donut
--------------------------------------------------------------------------------------------
當晚下塌嘅酒店叫：沖縄都ホテル
有浴缸加和式坐廁（wooo~~ 有得洗 pat pat 嗰啲~~）
結果呢，間「舖仔」上至 Shisa 擺設、食物禮盒
下至沖繩特別版文具都有
--------------------------------------------------------------------------------------------
--------------------------------------------------------------------------------------------
精美小禮物揭盅喇！
就係呢幾張擁有奇怪風貌嘅明信片 :D
-----------------------------------------晚餐部分分界線------------------------------------
唔計飛機餐，第一餐已經係晚飯（！）
係時候輕輕介紹一下導遊先生
佢有一頭木村拓哉秀髮、Danny Summer 嘅狂野外貌...
OK 其實夏韶聲都係呢個頭哈哈哈
初時我叫佢做木村，後來先改名做 Level One
佢全程都係著白色恤衫加對尖頭皮鞋
下身著黑色喇叭西褲或磨爛牛仔褲（都係喇叭）
非常之日系，又有種過氣牛郎 feel
我咁詳盡形容 Level One
希望以後佢出場，你都可以幻想有個木村韶聲喺度 XD
Level One：今晚食 shabu shabu
sha（低音）bu（高音）
Shit！低點其低嘅我笑到停唔到.........
（你要幻想住夏韶聲個樣喎！）
坐呢啲可以伸對腳入去嘅偽榻榻米 *v*
連帶午餐肉都係好出名
Level One（無比認真）：不過呢，我就介咗唔食午餐肉架喇
嗯... 無廿年既、介左十幾年啦
我心諗一萬句 ∩＿∩ WFC
唔知係咪跟團嘅餐比較 cheap
我覺得 Aguu 係幾好食，不過無好食到飛起
上面嗰盆 aguu 係兩人份量
另外有一碟蔬菜豆腐
Level One 話 sha（低音）bu（高音）sha（低音）bu（高音）
最正宗嘅食法係點柚子醋（左邊嗰兜），係特色嘢（！）
都係芝麻醬好味啲
--------------------------------------第二餐晚餐分界線 ------------------------------------
我有兩個大食朋友唔夠飽（！）
走咗過隔離拉麵店食多餐 *囗*
佢哋都係食叉燒拉麵，大約 $70
朋友話塊叉燒好得，不過啲麵嘅麵質同平時嗰啲唔一樣
比較鞋口啲
唔係唔好食，但係食唔慣喎
我同其餘兩人就食唔落拉麵喇
於是問 Level One 附近有無嘢行啦
Level One 講到方圓千里無街行
咁我同啲朋友就求祈逛吓啦
頂，點知街尾就有間 Aeon Mall
入面有齊衫褲鞋襪日用品，連 food court 都齊備
仲有間 UNIQLO 添呀（粉紅圈圈）
我哋喺 Mister Donut 買減價 Donut
100 yen 咋（^∀^）/
事後我個 bitchy 朋友問 Level One：又話無嘢行？
Level One 話覺得嗰度「遠」喎.....
--------------------------------------------------------------------------------------------
當晚下塌嘅酒店叫：沖縄都ホテル
房間係高級雙人間（！）
個名好高級，哈哈哈
房間比我想象中大
其實我哋返到酒店先七點鐘
於是「又」問吓 Level One 附近有無嘢行啦...
咁佢當然又話「無」啦.........
今次我哋學精喇！問佢酒店入面有無嘢行
Level One：有就有.. 喺大堂嗰層行入少少就有間舖仔
不過好細無咩好行（下刪一萬字）
結果呢，間「舖仔」上至 Shisa 擺設、食物禮盒
下至沖繩特別版文具都有
Shisa 就係呢啲沖繩吉祥物 -- 招福獅
♥ 一定係一對對 ♥
一隻擘大個口招褔氣，另一隻合埋口守住啲褔
--------------------------------------------------------------------------------------------
後尾我哋都有自己行去便利度買嘢食
因為「高級」房係無 wifi（要用 lan 線 router 先上到網）、lobby 先有
我哋買啲嘢食坐喺 lobby 一路食一路上網 :D
另外仲買咗呢兩個得意扭計「骰」♥
--------------------------------------------------------------------------------------------
旅程嚟到呢度（其實只係啱啱開始）
大家係咪已經感受到 Level One 嘅威力呢？
♪ 唔識路
♪ 說話負面
nice -_____________-||||||||
沒有留言:
發佈留言