星期六去友人 B 小姐位於深井嘅屋企打牌
要先去荃灣再轉小巴（！！！！！！！）
我同 I 先生相約喺中環搭地鐵
（你話我幾咁曲折？！
巴士出中環轉地鐵去荃灣再搭小巴入深井）
I 本身係住葵涌，所以都好熟荃灣
沿途佢不斷話：荃灣呢... 就係米線之鄉
食神上身咁詳細介紹各 • 間 • 荃 • 灣 • 米 • 線 • 舖 • 嘅 • 特 • 式
例如邊間米線就硬身啲、邊間啲湯就濃郁啲
以及佢個人嘅口味喜好
條友完全係癲 L 咗，我笑到痴線
十足十口述潮文 XD
而我哋當日就揀咗雲貴川
一去到已經見到排哂隊（！）根據港人心態：一定係正嘢 XD
跟住 I 又再上身咁話帶我行秘密通道
VIP 係唔駛排隊云云
原來佢帶我又第二個門口入（上二樓）
點知都係好多人排隊
I：唔~ 估唔到識人之人係咁多嘅！
結果又拉返我去正門排隊哈哈哈哈哈
米線又有得揀唔辣、小辣、中辣之類
B 問：喂你哋揀咩辣呀？
I：中辣囉
跟住又講一大堆唔同嘅辣度差幾遠
然後，B：我要唔竦（！！！！！）
I：你唔食得辣問嚟做咩先？
B：我想關心吓你哋食咩辣（！！！！！）
我就揀咗小辣，個人覺得正常唔算好辣
但另一個唔食得辣嘅友仔就滴哂汗（！）
真係一行汗，好卡通咁滴落嚟 XD
餸就揀咗食家 I 推介嘅腩肉、豬腸、雲吞
我覺得整體都無咩特別
相對之下，個人就比較鍾意南記嘅腩肉喇
可能南記麻辣啲，所以惹味啲
---------------------------------------------------------------------------------------------
食完就搭小巴去深井
一到埗完全係返咗大陸咁！
啲大廈起得好疏，人又少... 一落車仲即時低幾度（！）
落車都仲要行兩條街先到 B 屋企
眼見真係得一間食肆咁大把（！）
實在太神奇喇 *O*
B 一路話自己有主場之利，要贏我哋錢
而我呢，就唔係好識打，而且好耐無打過牌
於是一早襟定錢 /___________\
點知：
嘩我贏咗差唔到四百蚊！！！！！係咁自摸哦
我笑 B 輸錢畀我係一盡地主之誼
佢話以後唔准我哋去佢屋企哈哈哈
夜晚就去咗 Ciao，係食意大利菜 buffet
連飲嘢每人二百蚊
本來帶咗支酒，不過開瓶費成舊水太貴無飲到
雖然開飯網嘅評價頗差，但我嗰晚去又 OK
可能又係嗰啲弱智搞團購想吸新客
又要覺得啲人咁平嚟食無乜錢賺、招呼不足啲衰嘢啩
相就無影，食過乜都依稀記得嘅
沙律揀咗凱撒沙律同酒醋八爪魚仔什菜沙律
菜新鮮，後者酸咪咪都幾開胃
頭盤試咗翡翠螺、生牛肉、焗石蠔、鵝肝醬蒜蓉包
四樣都好食，係個蠔瘦弱咗啲
蒜蓉包上面當然無大大舊鵝肝，只係得一行醬
但係好鬆脆好好味
全部都有再 order，侍應仲主動告知蒜蓉包有三文魚揀
主菜如羊膝肉、豬仔骨、意大利雲吞、天使麵都好食
仲有離奇嘅串燒（急凍貨仔）、炸蝦
全部嘢都有再 order 嚟食
I：有咩係我哋未試過架？
女侍應仲熱情咁數吓我哋食過咩
幫我哋揀啲新嘢嚟試
同開飯網講嘅係兩個光景嚟！
唔知係炒過哂啲人、定關團購事喇
有個男侍應仲搞笑
有次佢放低盤唔知乜嘢：係~ 唔知咩片到~~
我哋笑到死死吓問佢到底係咩片
佢研究咗一陣先答到
跟住第二輪佢又嚟料，放低啲嘢：呢碟正呀~~
就飄走咗
我個朋友 H 係咁話襯佢再過嚟要挑佢機
點知個侍應鑊鑊都有搞笑對白
H 每次都震驚到不得鳥 *V*
是日甜品有得揀 yogurt
同出面啲水準差唔多，好抵！！！
不過揀木糠布甸就無敵細兜
行嗰陣又係搭小巴出返荃灣
原來荃灣有架小巴返西環
yohoooooooooo 四個字就返到宿舍~~
I 話好葡萄我有得食、有得玩、仲有錢賺 ♪
小插曲係原本訂檯嗰陣
H
喺 wtsapp 打 need add one、跟住又打 6-10：
H: need add one
H: 6-10
我哋均理解成：得五個人訂唔到位，要六至十個人
然後我就再約多個人啦，點知都無人得閒
事後弱智仔 H 話我哋弱智，add one 係指加一（！！！！！！）
6-10 係指食 6pm-10pm（！！！！！）
上圖嘅 B 就係 on9 H
我：H，你至少打 add 10% 啦
H：同你哋 chat 駛乜咁 formal（！！！！）
我：原來 10% 係 formal eng 嚟嘅，gdest eng！
H 仲叫我哋睇吓上文下理（！！！！！）
H 自從投身社會就腦殘咗不少哈哈哈
同侍應挑機又變 hang 機，r.i.p.
沒有留言:
發佈留言