最近巡視一吓 apple store 啲 free app
發現有 sims 玩！！！！即刻喜孜孜 download :D
首先當然係最好玩（？）嘅整人仔先啦
創造人仔個樣，由長相、髮型、衣著到個性，一一自己話事
所謂「有得揀，你至係老闆」！
我滿心喜歡「整容」啦，點知內容驚嚇（！）
左邊都話玩視覺系吖，右邊嗰個直頭係夏惠
我見呢個 sims 仔條 eyeline 都幾有妖后 feel
原來真係有埃及妖后頭 match 哂一 set！！！！！！
仲有清麗嘅聖誕小姐添
後來我先知眼珠有紅色（！）、黃色（！）呢啲咁爆嘅顏色揀
一於試試佢 *_____________,*
..............完全係變得更怪獸
衣著方面有一堆師奶必備嘅潮美 leggings T________T
右邊 sims 仔：蛙釣鯉
呢條理解不能嘅單車褲（？？？？）
樣衰到連佢自己都心諗一句 •_•
不過樹大有枯枝、禾桿冚珍珠，都有好嘢嘅
甜美波點 ♥ 時尚條紋 ♥ 野性豹紋
哈哈哈哈哈哈哈哈哈哈，講笑咋，好娘呀呀呀呀呀
不過鞋就 OK 喎！！！！
因為有可愛到不行嘅雪靴 ♥♥♥♥♥♥♥♥
♥♥♥ 仲有粉紅粉藍色 ♥♥♥
（好耐）之前興過吓嘅羅馬涼鞋都有哦
油埋腳甲添，潮！
上面條靚靚 little black dress 係喺 full gear 度搵
其餘嗰啲就............
不過估唔到有聖誕小姐裝x2 加聖誕小精靈~~
---------------------------------------------------------------------------------------------
---------------------------------------------------------------------------------------------
呢篇文其實打咗好耐，想 edit 吓先 post
不過一直都唔得閒
我喺三個星期內做咗兩個 presentation、兩份 assignment、三個 exam
但五月又有兩個 skill tests、三個考試..................... 唉
喺咁忙嘅期間我仍然有努力玩 sims free play 哈哈哈哈
於是繼續打返攻略出嚟
（我係會玩到上網 search 點樣過關 -_________-）
所謂過關就係做一啲任務加 exp 或者 LP 鑽石
有次 sims 神任命我買 coffee table，點知求祈買一張檯係唔得架喎
一定要喺 living rm 度買嗰啲先係 coffee table
拉到差不多最後面呢堆就係喇
我買錯咗 dining rm 嗰啲飯檯 T____T
另一樣就係 bed table
今次就去 bedrm 度買，過咗啲床就會見到
我諗住揀個靚嘅嚟買啦（左圖紅圈）點知唔啱
結果買右圖紅圈嗰張核突嘢 -_-
---------------------------------------------------------------------------------------------
另外仲有 D 任務係關啲 sims 仔嘅 interaction 事
例如要佢哋 in a romantic relationship
咁就要佢哋做粉紅色嘅互動，例如：dance
（綠色係做朋友子，紅色係想反面（！））
咁拍到咁上下拖就學 Mei Ling 話齋要結婚架喇
個任務跟住就會叫你將兩個 sims 仔 make a engagement
只要佢哋粉紅色嘅互動做得夠多就會有呢個 option 揀
之後係 get married 先到 ask to move in
結婚呢，等 sims 互動夠多係會有個 option 揀結婚
但係呢，揀咗結婚就會自動彈啲介指出嚟叫你買嘩呢舖就杰喇！
隻介指要成 20 個 LP 先買到 T____T
有啲係可以用錢買，不過未必成功結到婚
所以我唯有一買就買 20 LP 嗰隻
搬入同居就要去返隻 sims 仔自己間屋先
然後會有個 option 係 ask to move in
*** 一定要結完婚再 move in 先算過關 ***
呢樣嘢都有畀外國玩家少 XD 覺得太保守
後來又會有任務叫你啲 sims 仔 have a baby
咁就去 nursery 度買 BB 床，OK 埋單又 20 LP（minimum）
如果你想買啲粉紅色呀、特別顏色嘅 BB 床就更貴.......
而養住個 BB 原來都幾煩，因為一定要有一個 adult sims 看住佢 -_-
其實只需要將佢哋放喺同一間屋，個 aduly sims 可以做其他嘢
但係會搞到返唔到工，於是邊個未夠鐘返工我就派佢去看 B
常見問題就係點同 BB 沖涼
個 BB 有時會 A 同 B 嗰兩條 bar 跌到無哂
同佢換片都唔得
因為換片只係好似沖涼咁，會升返 bar B
但 bar A 係要去方便先有用
所以只需要餵吓呀 B 仔飲奶，畀佢瞓吓
佢自己痾落條片度咁 bar A 就會升返
到時先再換片
至於個 BB 幾時會大呢............
暫時都係未有更新，係唔識大嘅（！！！！！！）
玩玩吓又有新任務叫我令到 sims 夫妻 divorce
只需要做紅色嘅互動，令佢哋關係差咗就有呢個 option 揀
我就梗係 skip 咗呢個任務啦！無啦啦離咩婚呢？
而且離咗婚無咗對夫妻，隻介指又唔會還返畀你（！）
想再令佢哋結返婚就要再用 20LP 買過隻新介指
可惜 skip task 都要畀 5 個 LP.......
（click 右邊個 arrow 就可以 skip）
---------------------------------------------------------------------------------------------
呢個 game 最難搞就係跟真實時間，而且啲嘢好貴、賺錢好難
（天啊~~~ 同殘酷嘅現實一樣！！！！）
有時想買吓特別嘢就要用 LP 鑽石，但 LP 比錢更難賺......
不過 easter 更新咗之後好咗啲，起碼完成任務有 LP 送
而主要嘅揾錢方法有六個：
第一個：返工哈哈哈哈哈
唔同嘅工作有唔同嘅工時同薪酬
（所以佢哋每個都有份做保母 -_____-）
返工會令到條綠色 bar 升，滿咗會升職加薪 ♪
如果訓練佢哋技能都可以令條 bar 升
陣間會講
第二個：檢查郵箱
有時個郵箱會有個信封 icon（我就 12am 會有）
click 一下就會有錢收，每日一次
而金額就會根據你個 sims free play 經營到咩 level 而定
我由初初 $1000 加到而家 $5000+
第三個：建築物獎賞
都會有錢或者經驗值嘅獎勵
每個獎勵嘅時間唔同，定時定候去 click 就 OK
獎勵時間會有倒數（紅圈示）
第四個：種植
唔同農作物所需嘅種子價錢唔同、種植時間唔同
收成就有所不同：錢同經驗值
得閒嘅話我會種啲半個鐘、一個鐘有得收成嗰啲
跟住不停種，佢哋望落好似種大麻嘅壞人咁 XD
第五個：焗甜品
買個焗爐就可以整甜品，同種嘢類似
不過種嘢時間短啲、賺錢快啲
除非任務叫我焗嘢，否則我都會叫 sims 仔們不停種 XD
第六個：忠誠的狗 XD
養隻狗可以得閒就掘嘢，佢會掘到錢或 LP
通常係掘到 $10 $20
好少可會有 LP，掘到 LP 我會超級開心 XD
對住部電話：good dog!! 哈哈哈哈哈
---------------------------------------------------------------------------------------------
最後就係我嘅戰績喇！！！！！！
而家起緊 studio，爭呢個就起哂全部嘅 workplace :D
而公共設施就爭車場啫 ^__________,^
pet shop 一入到去就已經係呢個畫面
全部都只可以用 LP 買，最平 5 LP、最貴 100 LP
大約有四至五隻狗種
我諗個 rating 愈高、愈掘到好嘢
不過我唔捨得用我啲 LP 買狗仔
而家唯一一隻就係一開頭 free 嗰隻 XDDD
想養寵物仲可以喺 pets 度買兔仔
hobby shop 賣嘅就係可以提升工作嗰條 bar 嘅用品
初初無乜錢，見到樣樣嘢都 $1000 T______T 買唔起
最右嗰架船仔仲要成 50 LP！呢個買咗可以放公園玩
我未買呀，如果遲啲有放船仔任務先買
而啲嘢買咗之後可以喺 inventory 度拎出嚟用
又，所有物品賣返出去都會少咗十倍錢
所以唔要嘅嘢放喺 inventory 備用好過賣
我之前唔知有得咁樣 store，賣哂啲嘢再買哂哂啲錢 T_____T
supermarket 就可以買焗嘢嘅材料同種子（紅圈）
會平過就咁 click 焗或者種
算係比較實用嘅設施
park 就唔駛再用錢嘅
啲 sims 仔去到可以 play chess、BBQ 之類
有幾個任務都要有 park 先做到
BBQ：click 個燒烤爐即可
soap talk：click 某個黑色、四四方方嘅盒演講
feed the duck：click 個湖就可以餵鴨仔
**傳說有個任務係去湖度放船仔**
---------------------------------------------------------------------------------------------
我以為我咁認真玩好傻的嗎啦
原來網上都有好多人玩緊 XDDDDDD
有個女仔 frd 都有玩哦
男仔 frd 話係因為女仔鍾意控制人
現實控制唔到就走去玩 sims
OK 我都有少少認同呢個論調哈哈哈哈
