作為一名本港適婚女性 + 花生友
本八婆晚晚十點半準時坐定定睇《盛女愛作戰》
------------------------------------------------------------------------------------------------------------
女主角ssss
1) Suki（28歲）銀行職員
因為對方有第三者，所以同拍拖五年嘅結婚對象分手
笑臉迎人嘅可愛女生
2) Bonnie（29歲）文職
男仔頭，希望扮到女性化啲就可以有男仔青睞
唔駛再做「兄弟」
3) Gobby（30 歲）快餐店經理
失婚婦人，育有一女（9 歲）
感情挫折賴落離過婚同個女度
4) Florence（39 歲）會計
貨真價實嘅三高女性：學歷高、身材高、眼角高
但可惜年紀都高（！）
5) Mandy（不詳）客戶經理
靚，身居要職，想揾返同 level 嘅另一半
唔介意對方年紀大
點解咁遲先寫，係想睇哂先慢慢評論哈哈哈
------------------------------------------------------------------------------------------------------------
首先當然係寫咗「跑出」嘅 Suki 先啦
佢同咗 Mandy 個乾弟（！）Zion 一齊
其實睇返 Suki 個 case，佢性格得意意，個人本身根本無問題
佢只不過係拍咗幾年拖，差唔多到三十大關先嚟散
所以先心急上節目
雖然佢暴瘦之後個人好乾，皮膚搞到好差
你話佢好靚，睇真啲佢只係眼大大，唔算話靚到「dump」一聲
但勝在個人好開心咁，你睇佢成日笑又健談
係人都覺得 approachable 啦
結論 1：高竇 out 咗好耐架喇，sweet girl is the new trend
------------------------------------------------------------------------------------------------------------
Bonnie 又係另一個「正常」嘅參加者
同樣係同男朋友拍咗幾年先甩拖
但係佢個外形就無 suki 咁吸引喇
根據我嘅資料，男仔通常都鍾意 155~165cm，少少肉地嘅女仔
** 155~165cm：
我亂嗡咋哈哈哈，總之太矮唔得、太高又唔好
average 嘅身高最多人鍾意
當然都有男仔覺得高嘅女仔身型好睇啲
可惜呢類男仔真係比較少
認真，細粒嘅女仔可以揀 165~185cm 嘅男仔
高嘅女仔就得返 175~185 cm 嘅男仔
（通常女仔都想揾個高過自己嘅男朋友）
而最殘忍嘅係高嘅男仔好多都鍾意細粒嘅女仔（！！！）
我認識幾 pair 女 150cm、男 180 cm 嘅情侶
有時我覺得女仔太高（170cm+）係幾慘....
** 少少肉地：
呢樣就關 Bonnie 事喇，事關佢算係大隻
------------------------------------------------------------------------------------------------------------
到 Gobby 喇，佢「條件」上的確比較差：離過婚、有個女
------------------------------------------------------------------------------------------------------------
呢樣就關 Bonnie 事喇，事關佢算係大隻
男孩子就係咁狗（！）瘦到如 Suki 般佢哋話骨杉杉
但肥呢，又話豬扒（！！！）
again 同身高一樣，又係鍾意 average 頂
面尖尖得嚟，又要有少少肉好攬 -______________________-
人就係好現實嘅，同一樣嘅男仔頭性格
只要換上一個 kawaii 外型，呢種性格就叫「爽朗」
反之，就叫「粗魯」
大部分男仔就係咁膚淺 XD
所以我唔覺得節目叫佢打扮吓係改變佢嘅性格
只係令佢更加 presentable 啫
嗱，而家啲男仔就會覺得佢「好爽朗」
事實上佢都有男朋友喇，就係節目嘅西廚 Roxwell
（source：佢個微博甜心婉兒yuenyee）
結論 2：性格好之餘都會迎合男性對外型嘅需求
------------------------------------------------------------------------------------------------------------
到 Gobby 喇，佢「條件」上的確比較差：離過婚、有個女
點解我要「引號」佢嘅條件呢？
因為睇完個節目我發覺呢啲嘢並唔係個主因
主因根本係佢自己（！！！）
佢係就係有個女，不過原來係佢前夫湊
基本上同 Gobby 拍拖，係唔需要同佢一齊照顧個女
而且今時今日，離婚呢回事已經無舊陣時咁大件事
（sad but true）
我成長嘅年代（我係所謂嘅 80 後）好少可有出身單親家庭嘅同學仔
就算有，佢哋都唔會特別提起，覺得唔光彩（！）
我妹妹就係 90 後，到佢讀中學嗰陣，個世界已經變咗！
我仲記得佢同我講，佢好朋友呀爸出面有二奶
佢爸爸媽媽離婚之後，佢就跟呀媽
我：咁佢會唔會好唔開心呀？你要關心吓佢呀
妹：唔會呀，佢哋喺佢六歲嗰陣離婚架喇~~~
我：吓！！！！！！ 咁咪好慘？
妹：係咩？我嗰有三分一同學屋企都係離咗婚架喎
後來我妹妹話通常佢啲同學都係跟媽咪
而嗰啲媽咪都有再婚，或者有男朋友
唔係話呢個過去完全無影響
不過時至今日，個影響愈嚟愈細囉....
問題係出自 Gobby 自己都成日 loop 呢個問題
搞到個樣苦瓜乾咁（即 violate 我個結論 1）
無錯，兩個人一齊係互相扶持，但都要有開心嘅時候吖（？！！！！）
第二件事就係佢嘅談吐，實在係 mk....
節目入面介紹畀佢嘅男仔根本唔係同佢同一個檔次
一開波已經無偈好傾，又點拍拖呀？
有一集，個男仔開廠之類，佢：哦~~ 係咪好似養豬咁？
！！！！！！！！！！！
佢講咩呀？？？？？
另一集佢就問個機師睇唔睇電視，人哋話好少睇，頂多睇外國劇
佢就已經搭唔到嘴喇 /__________\
最慘係佢對愛情係好願意犧牲，肯付出當然加分啦
但基於佢背景一般，又唔識 social，我估佢過往嘅男朋友質素唔會好高
呀 Gobby 竟然話某一任男友成日問佢攞錢
而 • 佢 • 居 • 然 • 話 • 無 • 問 • 題 ！
男朋友條件差啲唔緊要，但佢個 ex 擺明係有問題
結論 3：唔識揀男朋友 + 盲目付出係死罪
跟住就到萬眾期待嘅 Florence 喇（！！！）
簡介話佢家教好好，搞到 29 歲先初戀
屋企嚴唔嚴，節目中就睇唔到喇
我諗大家身邊都有一個半個呢種遲熟嘅朋友啦
太遲先發市，於是對「拍拖」有好多唔實際嘅幻想
佢哋想象唔到女神原來都要痾屎
接受唔到男神係會打飛機而人人第一次分手都超級難復原架啦
（唔計你飛人喎）
假設大家復原時間都需要五年啦：
例子一
18 歲初戀，甩拖 + 復原後：23 歲
例子二
29 歲初戀，甩拖 + 復原後：34 歲
嘩死啦，復原完都三十幾歲喇
鬼唔知三十歲嘅女人可以係好成熟、有諗法、有女人味咩
但而家講緊係一個拍過一次拖，思想仲係小女孩嘅三十歲女人喎
你話點搞先？
你話點搞先？
對於難忘前度
二：根本再無另一個人出現過（！）
我有個毒男朋友正正係後者
佢單戀咗某個女仔（A）好幾年，期間有鍾意過其他人但失敗
於是佢每每安慰自己其實係好鍾意 A
為咗等呀 A 先會單身多年，哎呀我要繼續等佢呀好愛佢呀
實情係佢只不過追親女仔都衰
我覺得做人最緊要識放過自己，識得止蝕
所謂「止蝕」當然係指從新上路，畀另一個人進入自己嘅生活
人就係咁，一齊耐咗就睇到對方好多缺點
到想分手喇，又諗返起佢嘅優點，結果拖拖拉拉
好多時難忘同無另一個人出現都係 interrelated（可以係無人要你，或你唔肯要其他人）
我有個朋友，佢個男仔 frd 有個愛蒲爛玩嘅女朋友
呢個男仔完全接受唔到呢點，為呢樣嘢日日都唔開心
不 • 過 • 無 • 分 • 手 • 喎！
理由：唉.. 都拍咗六七年，同佢有好多難忘經歷架
我嘅回應：
係就係拍咗好耐好深感情
但大家都係廿幾歲咋喎，幾時先至唔開心到老呀？
佢一日同呢個女仔一齊，一日都唔會同到第個有其他經歷架喎
呢個朋友當時語窒
因為佢無諗過呢個問題
因為佢都係同一類人
我之所以 develop 呢個想法
源於有一次睇《非誠勿擾》嚟咗個考順仔男嘉賓
當時有個女嘉賓話 ：錫哂呀媽咪唔駛錫我？至憎考順仔
同時第二個女嘉賓話 ：考順呢種美德好好，最欣賞重視家庭嘅男仔
後尾佢哋配對成功，甜蜜甜蜜
同一個男仔，對於唔同人原來有咁大分別
我真係「叮」一聲呀
拍拖係要磨合，不過唔係所有嘢磨完就合
夾到就係「美德」，夾唔到就變「我至憎！」
你唔去試吓，根本唔知原來同第個一齊係唔駛「忍」嘅
仲有，Florence 就係拍得拖少，諗嘢太 fancy
想對方鍾意自己個格，鍾意自己個內在美係啱架
but it takes time!
咁都要有嘢推動人哋去擺呢啲時間去發掘你至得格
而呢樣嘢往往 again and again：你個殼
佢稱不上天生麗質，又唔肯保養
仲成日整埋哂啲古怪表情
正如佢自己嫌棄呀 lecturer CK 一樣
Florence：你唔係覺得佢同我襯吓話？
咪又係睇咗個 look 先
邊個會無啦啦走去了解你個殼入面啲好處先？
後來 Florence 都對大隻健碩啲 IT 人 Johnny 有好感
今次就到人哋嫌佢個樣唔夠討好喇
我睇過一個故事，講個男人一直要揾 100 分嘅女人
遇到 80 分嘅女人，他：對唔住，我要揾嘅係 100 分嘅女人
遇到 90 分嘅女人，
他：對唔住，我要揾嘅係 100 分嘅女人
遇到 100 分嘅女人，她：對唔住，我要揾嘅係 100 分嘅男人
唔係話 Florence 揾唔到心目中完美嘅男人就要退而求其次
而係完美嘅男人何尚唔想揾個完美女人？
有要求，先要 upgrade 自己
後來佢肯執吓，望落個人都精神啲啦！
vs 
又，就算你變得吸引喇，人哋想花時間認識你嘅內在喇
你都要肯畀呢個機會人架
Florence 永遠傾幾句覺得唔啱就 bye bye
多個朋友無壞嘅，有時識落先知 work
除咗吓吓講樣講 first impression
做朋友先係我嘅首選
當你一心識朋友，客觀咁相處你會 fade out 好多唔夾嘅人
而相處落，大家好清楚大家個格
由朋友變做情人，一樣講緣份講 chemistry
但係呢啲相處時間令人「掘」到你嘅內在美
大啲機會因為你嘅內在美而愛上你
學 Suki 話齋你自己首先要踏出第一步！
擴闊生活圈子
結論 4：放低舊情人 = 放過自己
真係畀個機會人哋 = 畀個機會自己
結論 5：想要 100 分情人，自己先變成 100 分
你揀人，人揀你
------------------------------------------------------------------------------------------------------------
到最後就係同節目編輯岑應係好姐妹
被稱為「媒」嘅 Mandy
佢同 Florence 差唔多，又係好好條件
都想揾到同自己匹配嘅另一半
而佢同 Florence 最大嘅分別咪就係 again, again and again：個樣囉
雖然佢無公報年齡，不過睇落都知 30+
你可以話佢有皺紋、有整過容（傳聞）
但唔可以否應佢係屬於典型靚女喎
就算有整過，都係成功嘅整容（！）
連帶岑應其實都係好樣架喎
除咗靚女啲，佢擇偶要求明顯無 Florence 咁揀擇
起碼真實世界有機會揾到先囉 XD
好多報紙雜誌話 Mandy 根本不乏裙下之臣
甚至已經有個男朋友
睇得出佢對住啲導師陰陰嘴笑，好似無呢啲需要咁
（加上有免費 facial、形象指導服務等等）
而 lecturer CK 就係我朋友個呀 sir 嚟
話 CK 離過婚，已有個拍拖多年嘅女朋友
仲不知幾 sweet（！）
Mandy係「媒」真係好正常
------------------------------------------------------------------------------------------------------------
我呢排好真心呀
嘢嘢都長篇大論，哈哈哈
總之信我啦，認清自己嘅優點之餘打扮一吓
審視自己想揾個點樣嘅伴侶
識多啲朋友，同人相處吓、了解吓先
唔好一心跳 step 去拍拖
祝：happily ever after
